This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

اطلب عنيا


حاجات كتير حصلت اليومين دول قضايا مصيريه 

زى ماتش الاهلى والزمالك او حكايه شوبير واتحاد الكوره 

ويمكن قض اعتصامات العمال بالقوه 

حاجات كتير خليتنا مانخدش بالنا من موضوع مهم جدا عدى على الكل ومالفتش نظرنا 

اوى برغم خطورته وخطوره  دلالاته 

الحكايه ومافيها 
ان زوجه شابه جالها اكتئاب وانتحرت ........عااااااااادى بتحصل 

الزوج راح علشان ينهى اجراءات استلام الجثمان 

فوجىء ان زوجته منزوعه القرنيات 

بمعنى اخر منزوعه العيون 

ادونى عقلكم ,,
لو اى حد لاقدر الله شاف منظر زى ده او قابله موقف زى الموقف ده !!!؟

وبعد البحث والتحرى والدوخه وانكار اداره المستشفى ظهرت الحقيقه 

الحقيقه ياجماعه ان ده قرار من سعاده جناب وزير صحتنا !!!!

لا وايه قرار سرى !!!!!!!!
القرار بيقول 

يتم نزع قرنيات الموتوفين وفاه طبيعيه او المتوفيين فى حوادث دون  الحاجه لموافقه اهاليهم
!!!!!!!!!
ياحلااااااااااوه

للدرجه دى مبقاش لنا قيمه ؟

للدرجه دى مبقاش لنا كرامه واحنا عايشين ولا لاجسادنا حرمه واحنا ميتين؟

ازاااااااااااى

طيب جربوا تحترمونا وتسالونا ولو مره واحده 

مش يمكن لو سالتونا نوافق 

بجد الموضوع فى منتهى الخطوره.......والاخطر انه مالفتش انتباه حد وعدى كانه حاجه عاديه 
ياخوفى بعد كده مايستنوش علينا لحد مانموت علشان ياخدوا اعضائنا.....

8 التعليقات

الصبر


الصبر صفة رئيسية عند المصريين فهم من اكثر الشعوب صبراً على ما يقع لهم 
،  ويمكن الصفة دى نتيجه الانتظار الطويل،
 فالغالبية كانوا يعملوا فى مهنة الفلاحة ، تحرث الارض وترمي البذور وليس هناك مشكلة مياه مثل باقي الشعوب وبعد الانتهاء من هذه الاعمال الأولية ليس هناك سوى انتظار المحصول  ( طبعا ده كان زمان قبل الخيبه بتاعه اتفاقيات المياه)
  تكرار مستمر منظم لوقت الجهد ووقت الانتظار حتى موعد الحصاد
تكرار ترسّخ في جينات المصريين عبرالاف  السنين 
ومن اهم صفاتنا كمصريين الصبر على المصائب
 فالنيل العظيم كان يفيض كل عام ومعه الخير والدمار في  وقت واحد ، فمع حصولنا على الخير لابد من الصبر وتحمل الشدائد
الفيضان بخيره وشره معاً هو اللى اعطى المصريين النظرة الفلسفية للحياة والحكمة وحب الفكاهة والسخرية من واقعهم الاليم
ولن ننسى  دور الجغرافيا في بناء الشخصية المصرية
فالتضاريس السهلة يصعب الدفاع عنهامما جعلنا فريسة سهلة
فبعد مقاومة بسيطة تسقط مصر  فى يد الاعداء 
 ولكن مصر لا تنكسر  تتقوقع على نفسها ويبقى المستعمر  دخيلاً غريباً   يتأثر بمصر ويأخذ منها بعضاً من حضارتها يستفيد منها ، ولكنه يمر كغيره 
مصرهي السهل الممتنع ولم تتأثر من خارجها الا برسالات السماء
فمصر تتغير بالعقل والمنطق ولا تتغير بقوة السلاح .
عبر التاريخ  كانت معارك مصر الحاسمة مع الاخرين كلها انتصارات فالجندي المصري صبور وقادر على المنازلة والقتال لو توفرت له القيادة المناسبة .
    
  وحاكم مصرعلى مر العصور هو رب العائلة الكبيرة .  
افراد العائلة ينظرون الى رب العائلة باحترام وتقدير وتعظيم ، فهو الأب الحنون الحكيم الذي يوكلون له  امورهم وهو أدرى بمصلحتهم حتى لو كان قاسياً بعض الاحيان.
و نادرا ماتم تغيير  رب العائله بالقوة عبر التاريخ الطويل لمصر
دائما دائما تنتظر العائلة النهاية الطبيعية لربها مهما كان فاسدا  او قاسياً ويرجع هذا الى صفة الصبر الموجودة في الجينات المتوارثة 


1 التعليقات

قول للزمان ارجع يازمان

عنوان البوست ده مقتبس من قول مأثور للسيد وزير التعليم 


ردا على مواطن معتصم امام مجلس الشعب لانه بيطالب باسثناء لابنته مثل اصحاب الوسايط


بصرف النظر عن ان الاب له حق او لا
او بيعتصم بسبب تاخر اولاده سنه دراسيه او بسبب شعوره بالظلم  والقهر


كلام سياده الوزير مع الراجل كان فيه  سخريه واستخفاف 


مع ان المشكله ابسط مايكون ولو كان فيه قدر من الحكمه فى التعامل مع الامور 


كانت مشاكل كتير اتحلت 


ولكن ان الوضع تحول لعند بين طرفين غير متكافئين 


الساده المسؤلين والكبرات والمواطنين الغلابه 


وطبعا النتيجه معروفه 
مزيد من الظلم والقهر 


مفيش كده فى الدنيا ...حكومه المفروض ان وظيفتها خدمه المواطنين وبدل ماتقوم بواجبتها ناحيتهم وتريحهم 


بتعاندهم  .....طيب واخرتها 


ويكمل الموضوع بان السيده الفاضله وزيره الاسره  تشك الراجل بلاغ لانه بيستغل اطفاله 


ده بدل ماتتعاون مع وزاره التعليم فى حل مشكله المواطن  ده وغيره 


وقال ايه قطع قلبها منظرهم وهما فى الشارع 


طيب حلوا مشاكلهم وارحموهم


واضافت سيادتها ان كل من له حق لابد ان يلجاأ للقانون وكلنا معاه علشان ياخد حقه 




صحيح شر البليه مايضحك
اى قانون ياست الحاجه 


هو لو فيه حد عارف ياخد حقه بالقانون  او بالمناقشه مع المسؤلين 


كنا شفنا كم الاعتصامات الموجوده دى


وبمناسبه الاعتصامات  لو كان الاب المعتصم ده بص بصه على المعتصمين جيرانه 


كان هيقابل مجموعه شباب زى الفل اسمهم مجموعه الخمسه والاربعين 


مجموعه من الاوائل على كليات الحقوق  تم تخطيهم  فى التعيين فى النيابه وتم تعيين مجموعه من الفاشلين اصحاب الوسايط فى اماكنهم




وواضح انهم كانوا مصدقيين حكايه كل واحد ياخد حقه بالقانون


ورفعوا قضايا للمطالبه بحقوقهم وبعد 11 سنه تم الحكم لصالحهم 


ياسلاااااام يحيا العدل 
ولكن لم يتم تنفيذالحكم برغم انه حكم  ملزم......وكان مصيرهم هو الجلوس على الرصيف المقابل 


ياسبحان الله 


لو الاب المعتصم  فكر ثواتى .....كان عرف ان اللى بيعمله ده مالوش اى لازمه لان فى الاول والاخر كله مصيره على الرصيف
10 التعليقات

الفن واهله

الفن سلاح ذو حدين إما أن يوظف للسموبالأخلاق والقيم، وإوانشر السوقيه وا لإنحلال
، وما لم يوجه الفن توجيه جيد استغل في نشر القيم الرديئه والذوق المتدنى 


مع الطوفان الفظيع من المطربين واغانيهم التافهه والساده الممثلون والممثلا
ت واعماله الاكتر من تافهه

وبالرغم من كده ....بيتم تكريمهم والاحتفاء بهم 



كانهم بيعملو انجازات محدش يقدر يعملها 



او ان اعمالهم الرديئه كانت سبب فى تقدم البلد 

!!!!!!!!!!!

والا نفسر بايه الاحترام والتكريم المادى والمعنوى اللى اعظم عالم فى البلد مايحلمش انه يحصل عليه
 



استفزنى جدا وانا باقلب فى القنوات الممثله اللى فاكرنفسها
هتعيد امجاد السيما 



فوجئت بيها بتقول للمذيعه بطريقه سوقيه مع غمزه عين 



تقدرى تدخلى على النت وتشوفى الناس بتقول على مين فينا اكتر انوثه 



!!!!!!!!!!!!!!


يانهاركو اسود ومهبب



هو الفن عندكوا بقى بيتقاس كده



ليه هو انتم بتشتغلوا ايه بالظبط ؟



طبعا غيرت القناه 



لقيت مذيعه مستفزه بتسأل اتنين شكلهم غريب تنطبق عليهم نظريه لومبروزوا http://ar.wikipedia.org/wiki/تشيزري_لومبروزو

وقاعده تهيص وتهلل ومطرب cnn

ماعلينا 

الاتنين قعدو يجعروا مع بعض بشكل منفر 

والله حرام فعلا الناس دى عليناكده

غيرت القناه تانى لقيت حد بيقول عووووووووو  



عو ايه بس؟ حرام عليكم مش كفايه علينا الدنيا والزمن الصعب هى  الحكايه ناقصه



 واضح جدا ان الكل ماشى بمبدأ   معاك تدفع يبقى اكيد تنفع 



واحنا نضيع معاهم  وطبعا مع وجود منتجين تجار ومعلمين 



اكيد مفيش حد هيدور على مستوى اللى بيقدمه من فن ومش هتفرق اذا كان فن هابط اوغيره



........وكفايه ان واحد منهم لاننكر دوره التاريخى القوى فى نشر الانحلال والذوق الهابط طلع بنفسه فى واحد من اعلانات القناه بتاعته 

يقول فن مين احنا بنعمل فلوس 



بصراحه عجبتنى صراحته مع نفسه 



وكمان بقى يلعب على المكشوف 



  اظن ان النماذج دى هى تعبير حقيقى عن الحاله اللى احنا وصلنا لها

فقد للهويه وتدنى فكرى  وربنا يستر
8 التعليقات

فن البيع

اننا نتقن فن الشراء لا البيع، خصوصاً اننالا ننتج غالباً سوى الكلام


و بأبخس الأسعار لفرط استعمال الكلمات ذاتها والمدائح إياها.


كما اننا لا نصدّر سوى العقول على اختلاف قدراتها وبالجملة


. وليس لدينا مايباع إلا صناعات خفيفة ندرجها تحت عنوان  التراث


بينما تجتاحنا حمى شراء كل صنف


فالأهم أن نمتلك كل جديد حتى لو لم نكن نحتاجه 


وبما اننا نشتري أكثر مما نبيع


 فكل من يبيعون لنا مشغولون بكم يبيعوا  مايحضرون لالهائنا


لكنهم ينسون دائماً تحديد سعر البضاعة الخارجة وهى الإنسان فهو ببلاش في بلده





 يدفعه  البحث عن لقمة العيش إلى العمل الذي يرفضه في وطنه.


 إما يموت على طريق تحقيق الأحلام، مجهولاً وعادياً أو فقيراً كما جاء


 أو يكون ناجحا  وعندها يتذكره الوطن

13 التعليقات

حالوزير النباتشى


من الواضح ان نشأه وزير التعليم احمد ذكى بدر فى كنف اب يعد من (اقوى ) وزراء الداخليه
نمشيها اقوى\

كان له اثر كبير على شخصيته ونمى عنده الحس الامنى
والاماتفسير ...حب سيادته  الجارف للحملات التفتيشيه اللى اشبه بكمائن الشرطه

هل سيادته فاكر ان حملاته المفاجئه دى هى اللى هتصلح الحال المايل
للاسف لا

لان النتيجه الوحيده لكبسات السيد الوزير هى ان الكل اصبح ملتزم شكليا

يعنى المدرسين والناظر والعمال كلهم بيروحوا المدرسه بعد ادان الفجر علشان مايحصل لهم اللى حصل لزميلهم اللى اتشرد واتجرس على الفضائيات

بس هل زيارات جنابه  حسنت من التعليم فى المدارس ؟؟
برضه لا
النتيجه الوحيده لكبسات جنابه ان المدرسين بقوا بيفشوا غلهم فى التلامذه الغلابه
ابحاث على نشاط على غيره
وكله مفيش منه فايده ........يعنى لاالطالب بيستفيد لما بيعمل بحث
ولا المدرس بيهتم بابحاث الولاد
 يعنى كله مفيش منه فايده الا  علشان لما حالوزير النبوتشى يطب عليهم ..يلاقى كله تمام

بالذمه ده يبقى اصلاح للتعليم
والمصيبه الاكبر بقى
هى فى ردود افعال الناس على كماين حالوزير النباتشى
تعليقاتهم على زيارته للمدارس كلها امل وتفاؤل
ان هو اللى هيجيب التايهه وهيصلح حال التعليم المايل فى مصر

باين علينا شعب اهبل

ماكانش حد غلب

10 التعليقات

انااااااااااااا مصرى ....طيب وايه يعنى


لعل مشهد تعليق مواطن مصري مثل الحيوانات وربما اقل على عمود كهرباء ..
في حين يقف الالاف يضحكون ويصورون ويوثقون مهانة المصريين واذلالهم وضرب كرامتهم في مقتل ..

 وكأنهم يقولون لكل من يفخربانه مصري او ان مصر ام الدنيا او اننا اصحاب الريادة .. او اي من تلك الهراءات
.. انتبه هذه هى مكانتكم عند العرب

.. انتبه فانه لا وزن لك في بلدك ولا خارجها .. ولا تصدق اي ادعاءات يمكن ان تسوقها خارجية بلدك على اعتبار ان لكل قاعدة شواذ وان هناك مجرمين في كل دولة يرتكبون الجرائم ضد مصر .. لا .. اننا لسنا شواذ بل اننا جميعا عاقلون بالغون نفعل بكم ما يحلو لنا وبدم بارد جدا ..
لا لشئ الا لاننا نستهين بكم ولا نعمل حسابا لحكومة او لشعب .. ولانخاف عقابا ولا يؤثر فينا لوم .. لسبب بسيط انكم هنتم على انفسكم فهنتم علينا ..

لايمكن اعتبار سلخ مواطن مصري وهو حيا .. وسحبه بالسيارات في الشوراع في الوقت الذي يجري حوله الاف من اللبنانيين فرحون بما يشاهدوا وكانه ليس بشرا الا انه فقط مصري الجنسية ..

وهى جنسية تبيح دم كل من يحملها ولا تقيم لصاحبها وزنا .. فلم يسبق ان غضب احد من اجله في اي دولة ضرب او قتل او سجن او سحل فيها .. 
.. ولما لا وقد تيقنوا اننا دولة لا تغضب من اجل احد من ابناءها ولا تثأر لاحد ..

لقد علق اللبنانيون كرامة مصر وصلبوها على عمود الكهرباء ولم يعقلوا محمد فقط .. 
ولن يكون سلخ وقتل هذا الشاب اخر الصور التي تقول للمصريين فوقوا من غفلتكم اننا جمعا نستهين بكم ولا نقيم لكم وزنا .. 
لماذا انتم غاضبون ؟
.. لا تغضبوا يامصريين فقد هنتم وهانت كرامتهم  فلا تطالبونا بالمحافظة لكم عليها ..
10 التعليقات

عاوز حقى




عاوز حقى .....اتصور ان دى الكلمه اللى ممدوح الشاب الريفى الوسيم بيبص علينا من فوق ويقولها لنا دلوقتى

وعلشان تعرفوا هو مين لازم احكى لكم حكايته


هو اخو جد اولادى
شاب لم يتجاوز العشرين........ذهب ليحارب فى 67

بس مارجعش
ظل اخو الاكبر ينتظر عودته لسنوات
وزى ماحكى لى .........ان فرحته بانتصارنا فى حرب اكتوبر كان لها طعم مختلف
لان فيه امل ان ممدوح يرجع

بس مارجعش

ولم يمل من الانتظارحتى اواخر السبعينات وبعد الاتفاقيات والذى منه ....كان كل امله انه يوصل لرفات اخوه الاصغر


لمجرد انه يعرف مكانه ويقدر يقرى له الفاتحه

وفى التمنينات فوض امره لله

وعلشان كده باحمد الله انه فارق عالمنا
قبل مايسمع عن فيلم روح شاكيد او يقرى تحقيق الدستور عن ماجرى للاسرى فى سيناء

احمد الله انه ظل طول عمره معتقد انه اخوه الاصغر استشهد وهو بيحارب ولم يسمع عن الحكايات المأساويه عن قتل الاسرى بالدبابات بشكل مهين ووحشى

بس ياترى فيه اى حد هيجيب للناس دى حقها!!!!!!!!!؟؟


مااظنش
لما يبقى الاحياء يقدروا ياخدوا حقهم .......يبقى بعد كده نقدر ندور على حق اللى ماتوا
18 التعليقات