من الواضح ان نشأه وزير التعليم احمد ذكى بدر فى كنف اب يعد من (اقوى ) وزراء الداخليه
نمشيها اقوى\
كان له اثر كبير على شخصيته ونمى عنده الحس الامنى
والاماتفسير ...حب سيادته الجارف للحملات التفتيشيه اللى اشبه بكمائن الشرطه
هل سيادته فاكر ان حملاته المفاجئه دى هى اللى هتصلح الحال المايل
للاسف لا
لان النتيجه الوحيده لكبسات السيد الوزير هى ان الكل اصبح ملتزم شكليا
يعنى المدرسين والناظر والعمال كلهم بيروحوا المدرسه بعد ادان الفجر علشان مايحصل لهم اللى حصل لزميلهم اللى اتشرد واتجرس على الفضائيات
بس هل زيارات جنابه حسنت من التعليم فى المدارس ؟؟
برضه لا
النتيجه الوحيده لكبسات جنابه ان المدرسين بقوا بيفشوا غلهم فى التلامذه الغلابه
ابحاث على نشاط على غيره
وكله مفيش منه فايده ........يعنى لاالطالب بيستفيد لما بيعمل بحث
ولا المدرس بيهتم بابحاث الولاد
يعنى كله مفيش منه فايده الا علشان لما حالوزير النبوتشى يطب عليهم ..يلاقى كله تمام
بالذمه ده يبقى اصلاح للتعليم
والمصيبه الاكبر بقى
هى فى ردود افعال الناس على كماين حالوزير النباتشى
تعليقاتهم على زيارته للمدارس كلها امل وتفاؤل
ان هو اللى هيجيب التايهه وهيصلح حال التعليم المايل فى مصر
باين علينا شعب اهبل
ماكانش حد غلب
المشاركات
10 التعليقات:
الناس فكرين ان وزارة التعليم هي المدارس
هناك غول اسمه هيئة الابنيه التعليميه يتم سرق الملايين سنويا عن طريقه
وهناك غول آخر اسمه طباعة الكتب وأيضا يتم سرق الملايين عن ريقه
الامر ليس مدارس فقط
ومن يوم ما عملنا مدرسة المشاغبين والتعليم امره انتهى في مصر
اولا احيكيى بشدة على العنوان
عنوان التدونية صح جدا
ثانيا اللى بيعمله الوزير دة
اسمه شو إعلامى لي الا
الوزير وظيفته ان يعمل سياسة وخطة عشان الوزارة
ترتقى
ثالثا
زى ما قال لورنس
لو هيئة الابنية التعليمة وطباعة الكتب ما فيهاش سرقة والفائض يروح لجيوب المدرسين
وتتضاعف مرتباتهم على الاقل خمس او ست اضعاف ما هى عليه الان
اعتقد ان الموضوع هايختلف تماما
والتعليم هايتحسن
بصراحة انا مقدرس استنى من مدرس مرتبه 300 ج فى الشهر انه يكون عنده ضمير ويعلم العيال بزمة وهو قرفان وطهقان من المدرسة ومن البلد كلها
وطول الوقت بيدر يا إما على عقد عمل بالخليج
يا إما على دروس خصوصية يزود بيها دخله
بعد ان اصبح المعلم من معدومى الدخل
يعنى المفروض على الاقل
ان المدرس اللى مرتبه انهاردة 300 جنيه
على الاقل بعد ما يضاعف اربع مرات عشان
يوصل ل 2400 جنيه على الاقل
عشان يقدر يعيش عيشة معقولة
انما ان يتنكر المعلم متسولا من بيوت واهالى الطلبة ثمن لدروس الخصوصية
يبقى عمرنا ما هناستنى منه حاجة ولا حتى نقدر نلومه
كل مكان في البلد دي مش بيمشي الا كده
خايفين من عقاب السيد المسئول يبقي هانمشي عدل
لو السيد المسئل مطنش يبقي كله هايطنش
للاسف معدش ضمير عند حد يخليه يبقي منضبط كده منه لنفسه من غير رقابة بشر
وماعدش حد بيفتكر ان ربنا عليه رقيب الا فوقت الزنقات وبس
ووزارة التربيه والتعليم دي فيها بلاوي كلها مستخبيه تحت السطح لو حد مد ايده شويه لتحت وقلب تقليبتين هايبان المستور وهاتنفضح الدنيا فابلاش تقليب مواجع
------------
يادودو يا حبيبتي ياريت تكبري الخط خليه علي البولد واللارج راعي اخواتك اللي نظرهم علي ادهم :))
ليه يا دودو بتفكرينى بالأبحاث بس ليه
حالوزير وحالناظر وحالميس "مش كلهم طبعا " عقدونى عقدة بشنيطة :)
مبروك المدونة يا دودو
ولو انها مش اى كلام ابدا زى مانتِ مسمياها :)
بالتوفيق ان شاء الله
لورانس
هيئه الابنيه التعليميه وطباعه الكتب وغيره وغيره
ده اسمه الىء لزوم الشىء
امال الكبارات هيقلبوا عيشهم ازاى
والله يارانيا لو بقى مرتبهم 5000جنيه
برضه مفيش فايده
فيه حاجه غلط
مبقاش فيه ضمير مش عند المدرسين بس
والاطباء وكل الناس
كل واحد عاوز يقلب التانى
ومفيش حد بيعمل المطلوب منه وبيراعى ربنا في شغله الا نادرا
فضفوضه
عندك حق
مفيش حد بيفتكر ربنا وبيراعيه غير فى الزنقات فعلا
وبعدين ياريت خوفهم من الوزير مخليهم يعملوا اللى عليهم بجد
الكل مركز دلوقتى فى ان كله يبقى متظبط شكلا
يعنى الدفاتر مظبوطه والكراسات كامله والحضور تمام
وبس
انما مفيش حد ابتدا يشرح للاولاد بجد
او يشوفهم محتاجين ايه علشان مستواهم يتحسن
وبينى وبينك لهم عذرهم
لان الحاله مستعصيه
_____
عونيا يافضفض هاعملك الخط كومبو
ده الحال من بعضه
:))
بس راعى ان اختك مبتدأه
نيسو
ءيخونك دماغ الجلو اللى احنا عملناها ايام ابحاث ولوحات العيال
:))))
لازم افكرك طبعا دى معاناه لاتنسى
بس احب ابشرك كل اللى عملناه ووجع العنين وصوابعنا اللى لزقت فى بعضها والصلصال اللى خلى ايدينا ولا بيض شم النسيم
كل ده راح على مفيش
ابنى وهو بيمتحن العملى لقى كل ابحاثه ولوحاته هو وزمايله وغيرهم مرميه فى الحوش بتاع المدرسه
!!!!!!!!!!!!!
ده مش اصلاح دى دعاية لسعاده الوزير هو فى حد يعمل زيارة مفاجئة للمدارس ومعاه كاميرات تليفزيون عايز اصلاح يصلح المناهج بس احنا عندنا يقتصر الاصلاح على التربية الدينية عشان الاوامر الخارجية عايز يصلح يبتدى باسلوب التدريس وايصال المعلومةوالاهم اصلاح المعلمين والكوادر الادارية الهى سبب الخراب الفعلى للعملية التعليمية
لدي بعض الحكمة الرائعة.
إرسال تعليق