This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

الثوره المضاده

فى كل الثورات المنتصرة .. هناك ما يسمى بالثورة المضادة .. و يقوم و يخطط لها عدد من اتباع الحاكم المستبد المخلوع و المستفيدين منه و أعوانه
و أحيانا قد تنتهز الفرصة و تنجح مثلما حدث فى حالة الثورة الفرنسية فى احدى مراحلها .. و مثلما حدث فى الثورة المضادة على ثورة مصدق فى ايران عام 1951 و التى نجحت الى حد اعادة شاه ايران مرة أخرى وقتها بالشكل الذي جعل الشاه وقتها يقول ل" كيرميت روزفلت " ( ممثل المخابرات الامريكية ) :" إنني مدين بعرشي الى الله ثم الى شعبي ثم اليك " و كان صائبا فى الجزء الأخير فقط !

هذه الثورة المضادة كان لها محاولات ايضا فى تاريخ مصر , و كلنا نعرف ما حدث ايام العدوان الثلاثي على مصر ( 1956 ) عندما اجتمع عدد من الباشوات ( من أتباع النظام الملكي البائد ) ليحاولوا الاتصال بالسفارة البريطانية - اثناء الحرب و يعرضوا أنفسهم للحكم كبديل عن عهد عبد الناصر و ووصلت الاتصالات الى حد بدء الباشوات فى تشكيل حكومة من شدة ثقتهم فى انتصار بريطانيا و فرنسا و اسرائيل و سحقهم للقوات المصرية و المقاومة الشعبية فى بورسعيد , لكن ذلك لم يحدث و انقلب السحر على الساحر

و حتى فى حالة ثورة تونس .. شاهدنا كلنا اتباع نظام بن على و هم يشيعون الفوضى بعد هروبه فى الايام التى تلت السقوط لمدة شهر قبل ان تتكشف الحقيقة و يتضح ان بعض قيادات الحرس الرئاسي هم المسئولون عن هذا

و فى حالة ثورتنا هنا ... من يخطط لهذه الثورة المضادة .. ليس بالضرورة لعودة مبارك .. بل فقط لإستمرار نظام مبارك بشكل آخر اكثر تطورا او عودة بشكل جديد او ومختلف

و بالطبع لا حاجة للقول هنا السيناريو القادم ليس من قبيل التخيل المطلق ( و ستجدون بانفسكم ان الأمر اكثر تعقيدا من خيال اي شخص او قدرته على الاختلاق , مهما كان عبقريا )
بل هو اجزاء و شواهد وردت الينا مؤكدة من عدة مصادر حتى تكشفت لدينا الصورة كاملة بعد بحث مضني فى المؤشرات لنتأكد مما ورد الينا

و لا استطيع الجزم بوجوده 100 % .. و لكنني شخصيا متيقن انه حقيقي .. و لكن وجدت ان افضل ما نفعله للتأكد هو أن نقوم بعرضه عليكم
نعم .. سأعرض السيناريو تفصيليا و بعدها يكون الحكم لكم :
اذا كان هذا ممكن ؟ أو هذا صحيح ؟
هل هذا متوقع ؟

* الصورة الكاملة :
بعد نجاح الثورة و بدء حصارها لعدد من رموز و قيادات النظام و بقاء جزء منهم ينتظر المحاسبة قرر عدد منهم أن يبادر بالهجوم اتباعا لمبدأ " الهجوم خير وسيلة للدفاع "
و اجتمعت الضباع الجريحة على عدة طوائف متفرقة يجمعهم انهم من رجال النظام المطلوب انهاؤه :

* ضباط فى جهاز امن دولة تحركهم روح الانتقام و الخوف من المحاسبة على عهود تعذيب
* رجال مخابرات يدينون بالولاء لعمر سليمان
* رجال اعمال فاسدين معرضون للمطاردة و المحاسبة و المحاكمة
* قيادات كبرى و صغرى فى الحزب الوطني وجدوا أنه يصعب عليهم التلون فى ظل النظام الجديد و فى ظل جيل من الثوار لديه انترنت يوثق كل ما جرى و كل كلمة قالوها سابقا
* و قيادات اعلامية ( بعضها ما زال موجودا ) ينتظر اقالة بين ليلة و اخرى
* بعض المسئولين الحاليين فى الحكومة و فى مواقع حيوية ( منهم وزراء ما زالوا فى مواقعهم فى الحكومة الحالية و ينتظرون اقالتهم )

و بعد اجتماعهم , تقررت الخطة لتحقيق عدة أهداف متفاوتة المدى :
- الدفاع عن صورتهم بشكل عام و ازالة اتهاماتهم اعلاميا
- شغل الرأي العام و الثوار و الجيش عن محاسبتهم عن جرائمهم طوال سنوات فى حق الشعب المصري
- الايقاع بين قيادات القوات المسلحة و بين الثوار و افساد الروح الايجابية بينهم
- اشاعة الفوضى بشكل عام بهدف اظهار الحالة
- و ربما اذا نجح المخطط الى نهايته قد ينتهى بعودة النظام الحالى و ليس بالضرورة مبارك
.. بل قد يكون عمر سليمان أو حتى اي وجه جديد يضمن حماية اتباع النظام من المسائلة مستقبلا

و لتحقيق هذه الأهداف
بدأوا التحرك على سبعة محاور محددة و بعناية و خبرة تجمع بين خبرات سابقة كبيرة فى مجال الحشد و خبرات أخرى أمنية و استخباراتية فى مجال الحرب النفسية و فى فنون الدعاية السوداء و غيرها

هذه المحاور هي :

|| 1 || المحور الأول : عفا الله عما سلف !

ستجد كثيرا جدا من الدعوات تملأ عدد من الصحف و الفيس بوك تحمل هذا المفهوم
بحجة .. عفا الله عما سلف .. لا داعي للمحاسبة .. دعونا نبدأ صفحة جديدة .. فلننس الاحقاد
.. لتكن ثورة بيضاء للنهاية .. لنلتفت للمستقبل و لا نشغل انفسنا بالماضي
و هذه اول خطوة فى توجيه الرأي العام بعيدا عن فكرة محاسبتهم

و فى الأصل : لا تناقض ابدا بين الاعداد للمستقبل و المرحلة الانتقالية و الديمقراطية ,
و بين محاسبة رؤوس الفساد و الاجرام بشكل عادل و كامل !

.. و هو ما يوضح لك هذه الفكرة من ينشرونها و لمصلحة من ؟

و بالطبع ليس كل من يتحدث عن هذه الفكرة هو يعمل فى اطار هذا المخطط و انما قد يكون مقتنع بها أو تأثر بها اعلاميا بحسن نية و شعبنا شعب طيب و متسامح


|| 2 || المحور الثاني : زيادة عدد الاعتصامات الفئوية مع شيء من الفوضى

و يحدث هذا بالطبع مع توصيل الصورة إلى قيادات القوات المسلحة عن هذه الاعتصامات انها ( كلها ) بتحريك من الثوار ! و ليست احتجاجا على فساد او طلب لازاحتهم مثلا من مواقعهم !

و هو ما سيجعل - طبعا - القوات المسلحة تتصل تلقائيا بالثوار لتطلب منهم تهدئة وتيرة الاعتصامات .. و طبعا لن تصدق اصلا ان الثوار غير مسئولين عنها نهائيا او أنها بأى إيعاز منهم على الاطلاق .. و هو ما يجعل القيادة العسكرية تبدأ فى الضيق و نفاذ الصبر مما يفعله الثوار

و نستطيع هنا أن اؤكد بشكل جازم هنا ان اكثر من 60 % من الاعتصامات هي بإيعاز من هذا المخطط و ليس احتجاجات طبيعية و بعضها حتى مستفز جدا

و حتى نكون محددين , ستجد لها عدة سمات :
* تتسم ببعض الهمجية و الفوضى و بشكل غير سلمى التى تتناقض مع اخلاقيات الثورة فى ميدان التحرير الحضارية التى شهدناها جميعا و العالم كله
* ستكون اعتصامات سقف مطالبها مرتفع جدا جدا بشكل تعجيزي فى بعض الاحيان , و فى الاغلب تكون مالية فقط و لا تحوى اي طلبات تغيير فاسدين

* تعطل مصالح المواطنين بشكل متعمد و مضر جدا و أناني جدا بما يثير الرأي العام ضدها و ضد الثورة عموما

* و احيانا تتسم ببعض العنف بخلاف كونها سلمية من حيث تكسير مكان او رمي بعض الحجارة بشكل غريب و عجيب !

و الهدف هنا بالطبع ان تصبح الصورة فى النهاية ان الثورة دمرت الاقتصاد و دمرت مصر
و انها اشاعت الفوضى
و ان نظام مبارك كان اكثر استقرار من هذا !
و من يدرى قد تجد فى هذا المجال من يظهر و يترحم بشكل مصطنع على مبارك و ايامه هنا !

|| 3 || المحور الثالث : اثارة التعاطف حول مبارك

ويظهر ذلك فى عدد من الاخبار الغريبة التى يقوم ببثها فى بعض وسائل الاعلام مصادر "تدعى " قربها من الصورة فى منفى مبارك فى شرم الشيخ , من أخبار متتابعة
فتجد .. خبرا يتحدث عن غيبوبة لمبارك
.. و خبر يتحدث عن انه رفض مغادرة شرم الشيخ الى غيرها من البلاد " لأن هذه بلده و سيموت فيها "
و خبر آخير تجده عن انه سيؤدي العمرة و انه يوصى بدفنه فى قرب حفيده !
و حتى اخبار عن مشاجرات بين جمال و علاء ابني مبارك و ان حالته النفسية سيئة
و خبر آخر عن مجموعة تعلن تعاطفها مع مبارك تحت شعار " إحنا اسفين يا ريس "
مجموعة اخبار تلو اخبار
.. لا تعلم مصدرها و تظهر أخبار اخرى تؤكد كذبها بعدها !

فخبر الغيبوبة ياضح أنه فى اليوم الثاني المصادر الموثوقة اعلاميا تؤكد انه غير صحيح !
و خبر الحالة النفسية السيئة او الصحة المتدهورة جدا تنفيه اخبار وسائل اعلام و صحف عالمية تؤكد انه فى شرم الشيخ و يتناول الكافيار الروسي و الشيكولاتة السويسري بل و يتابع التقارير التى ما زال يرسلها له يوميا عمر سليمان و زكريا عزمي الذين ما زالا فى موقعيهما بروتوكوليا و صلاحيات عمل حتى هذه اللحظة !
و الأهم ما أكدته صحف موثوق فيها من انه يمارس حياته كأنه ( رئيس ) فى بعض الجوانب من حيث اطلاعه على تقارير سياسية عما يدور !!!!

|| 4 || المحور الرابع : تشويه صورة الثوار

و كمثال يظهر ذلك فى حملات التشويه التى ستجدونها تشوه الناشط السياسي وائل غنيم
فتارة ستجد فيديو يصفه بالماسونية و العمالة للخارج ! .. و تارة ستجد فيديو يصفه بالعمالة لأمن الدولة !

و المضحك انك ستلاحظ هنا سمات مميزة تشم فيها رائحة الوطني بإمتياز :
* السمة الأولى : انهما تهمتان متناقضتان من ذات المصدر
.. يعنى الا يذكرك هذا بمن كان يتهم الثوار بتبعيتهم لحماس و ايران و امريكا و اسرائيل ايضا !!!
.. تهمتان متناقضتان طبعا لأن الهدف واضح : تشويه فقط و ليس حوار منطقي !

* السمة الثانية : انها غبية بفجاجة !
يعنى عندما تجد واحد يقرر ان هذا ماسوني بناءا على تشابه فى حظاظة ( قد تكون موضة ) او بادج تي شيرت عادي .. فهذا تخلف و غباء يذكرنا ايضا بما رأيناه من التهمة اياها " بأنهم يأكلون وجبات كنتاكي " ايام الثورة , بينما كانت محلات الكنتاكي فى كل مصر مغلقة منذ يوم 26 يناير حفاظا على نفسها من التكسير اصلا !!!
الغباء واحد للأسف ايها السادة

|| 5 || المحور الخامس : ازالة اتهاماتهم اعلاميا

يظهر هذا فى ظهور عدد من رموز النظام و العاملين فيه مثل أحمد عز عبر قناة اخبارية ( العربية ) يعلم انها ستكون حنونة عليه فى الاسئلة بدون تعمق و انما بنظام سؤال و جواب و يظهر هذا فى مظاهرات الباشوات للشرطة تطالب بزيادة الرواتب .. و الظهور فى مظهر المطحونين و المظلومين !!!!
و الكل يعلم ان الرشاوي كانت عادة لديهم كنزوا من ورائها الكثير
( و المفارقة ان بعضهم كان يتظاهر مرتديا نظارات شمسية فاخرة او يضع سماعة بلوتوث تليفونه المحمول فى أذنه ) !!!!
و الأنكى و الاعجب هو اصرارهم على اعتبار " كل من سقطوا منهم " شهداء بقرار رسمي ضغطوا لصدوره !!!
و اذا كنت اعتبر كل العزل الذين سقطوا ضربا بالرصاص من الداخلية هم شهداء
فكيف اساوى بينهم و بين من قد يكون ربما سقط انتقاما من قتله لعشرات الشهداء او دهسهم مثلا ؟ دون تحقيق يوضح و يبين الحقيقة ؟
لكن هدف التظاهر هو ازالة اتهاماتهم اعلاميا و منع محاسبتهم

يضاف الى هذا انك لم تسمع من الوزير الحالى عن اي اخبار عن حل جهاز أمن الدولة ( اذا كانت النوايا حسنة )
او حتى اخبار عن اننا بدانا فى عزل او فرز الضباط ممن لديهم سجل اجرامي واضح و جرائم و شكاوى سابقة فى حقهم فى التعذيب و غيره ؟؟؟


|| 6 || المحور السادس : افساد العلاقة بين القوات المسلحة و بين الثوار

و ذلك عن طريق خلق استفزازات متبادلة بين القوات المسلحة و بين الثوار ,
هذا المحور قد تجده فى تشويه صورة القوات المسلحة و خلق استفزاز عن طريق تأخير الافراج عن المعتقلين السياسيين
( بواسطة رجال النظام الذين ما زالوا باقين فى امن الدولة مثلا ) و عن طريق الايقاع من الحكومة و رجالها عندما يقوموا مثلا بإلقاء مسئولية اعباء المعتصمين - بشكل متعمد - منها على اكتاف الجيش المثقلة بالاعباء اصلا
هذا المحور قد تجده في نقطة الاعتصامات المتزايدة بشكل زائد عن الحد بشكل واضح جدا و غريب
و هذا المحور قد تجده مثلا فى صفحة فيس بوك كتبنا عنها .. صفحة ( الراجل اللي ورا عمر سليمان ) و التى يتضح فى النهاية انها اساءة لرجل مقدم اركان حرب من رجال الجيش المصري !
( و ربما كانت هذه الصفحة فعلا دعابة بحسن نية فيمن كانوا وراء الصفحة و لكنها مثال على ما قد يمكن عمله مستقبلا فى هذا المحور )


|| 7 || المحور السابع : العودة للحكم عبر عباءة جديدة !

و هذا المحور طبعا قد ينجح فعلا و بدأوا يمهدوا له من خلال دعوة د. حسام بدراوي لتشكيل حزب جديد بإسم " حزب 25 يناير " !!!
و دعونا نتخيل هنا لو لم يكن قيادي فى الوطني وراء هذا الحزب و انما ينشئه عدد من المجهولين و يكون فى خلف الستار مجموعة اتباع النظام المخلوع يمولونه و يدعمونه بهدف الدفع من هذا الحزب الى سباق الانتخابات بوجه جديد قد يصعد الى الحكم و يحميهم من المحاسبة على الأقل

و بصفة عامة لا تثق هنا فى تلك الفترة - مهما كانت النوايا حسنة - فى اي حركة او ايا من يحمل لافتة 25 يناير
او الثورة الا ان يكون ينطوي على ثلاث سمات :
* السمة الأولى ان يكون به احدى القوى الاساسية التى قدحت شرارة الثورة ( شباب 6 ابريل - أدمين خالد سعيد - شباب حملة البرادعي )
* السمة الثانية ان يكون يأتى اما باختيار شعبي او باختيار اعضاء بناءا على اسس واضحة

و ستلاحظ فى هذا الاطار تعليقات موجهة من اشخاص ( مجهولين ) لاتعرفهم يتحدثون عن ان الثورة ليست حكرا على ( من نزلوا الميدان أو من ثاروا او من دعموا الثورة )
و ان النظام القادم ( يجب ) ان يشمل الكفاءات ايضا !!!!!
و ستلاحظ ايضا انقلابا ناعما فى تعليقات من كانوا ينشرون شتائم ضد الثوار و الآن يعلنون انهم " ايدوها من اول يوم " !

هذه المحاور و كلها ستجدها بدأ التنفيذ فيها فى الفعل و البعض ينفذ هذه المحاور بحسن نية دون ان يدرى

* سواء اعلاميا
( أمس كانت هناك حلقة من برنامج العاشرة مساءا عن الشرطة و اهمية تبرئة ساحتها و عفا الله عما سلف !
والغريب ان الضيوف من الشرطة كانوا ثلاثة ( اثنان من ضباط الشرطة و الثالث نائب مدير امن دولة سابق ! )
فى حين ان الضيف الذي يطالب بالمحاسبة بقوة و المحاكمة كان محامي فقط )

او على الانترنت .. فى فيديوهات لها اسماء على غرار ( الحقيقة وراء فلان ) ( كشف المخطط المستخدم من فلان او صفحة كذا )
او فى عدد من التعليقات لا تعرف مصدرها

اذن هذه هي محاور الخطة

|| 1 || المحور الأول : اسقاط الحساب عفا الله عما سلف !
|| 2 || المحور الثاني : زيادة عدد الاعتصامات الفئوية مع شيء من الفوضى
|| 3 || المحور الثالث : اثارة التعاطف حول مبارك
|| 4 || المحور الرابع : تشويه صورة الثوار
|| 5 || المحور الخامس : ازالة اتهاماتهم اعلاميا
|| 5 || المحور السادس : افساد العلاقة بين القوات المسلحة و بين الثوار
|| 6 || المحور السابع : العودة للحكم عبر عباءة جديدة !

ضع هذه المحاور فقط فى بالك فى الايام القادمة و تابع التعليقات على الانترنت او الاعلام و قل لي كم محور وجدته منفذا بالفعل ؟
اذا وجدتها السبعة .. فمعنى هذا ان المخطط صحيح بالفعل

لأنه تأكد من هذه القاعدة : لا يوجد ما يسمى بالصدفة أبدا فى عالم السياسة

كما قلت و أكرر

سأعرض عليكم تفصيليا و بعدها يكون الحكم لكم :
اذا كان هذا ممكن ؟ أو هذا صحيح ؟ هل هذا متوقع ؟

و الأهم هل سينجح ؟

هناك حديث شريف يؤكد ما معناه انه سيأتى زمان قد يكذب فيه الناس احيانا .. من هو صادق
و يصدق فيه الناس .. من هو كاذب

و البرت اينشتين قال :
الشيء الوحيد الضروري لانتصار الشر فى العالم ,
هو فقط : ألا يفعل الأخيار اي شيء !

لهذا اذا اقتنعت و تأكدت - مثلى - بصدقية المخطط القذر هذا فتحرك للقيام بدورك , ليس فقط بنشر المقال فقط , بل أيضا الوقوف ضد من تشعر انهم ينفذون هذا المخطط فى كل مكان , بالفكرة و بالحجة و بالنقاش

نعم , أتمنى أن تكون أنت من سيحدد هنا عزيزي القاريء
.. لأنه انت من سيحمى الثورة
.. و لا تنتظر أحدا غيرك يفعل هذا لأنك انت الثورة و انت من قمت بها , و انت من سيحميها و يدعمها







منقول 
3 التعليقات

مغامره مفاجئه

..مع انى دايما كنت اسمع عن الاشياء الغريبه اللى بتحصل كل يوم وفى كل مكان حوالينا 


الا انى اول مره اشوف عينه من اللى بيحصل ده يوم الجمعه الماضى 


ابنى ارتفعت حرارته جداجدا والكمادات والادويه اللى الدكتور كتبها معملتش اى حاجه اتصلنا بالدكتور علشان يجى يشوفه بسرعه 




اعتذر لنا وقال انه مش هيقدر يجى دلوقتى لانه فى المستشفى 


...بس لو الحاله ماتحتملش ممكن تجيبوه المستشفى اشوفه


 ولو فيه حاجه تتعمل نعملها هناك


 طبعا اخدنا الولد وجرينا بيه على المستشفى لان حالته كانت لاتحتمل اى انتظار


 اول ماوصلنا بنسأل على الدكتور قالولنا ان فى حاله طارئه جت له وهيخلص ويجى


...ولان ابنى لونه ابتدى يتغير ووشه شحب بطريقه غريبه .


.جرينا ندور على على اى دكتور موجود يشوفه ...


وفعلا لقينا دكتوره منتقبه ....قولت كويس الحمدلله ....اخدناه لها بسرعه


 وبصت على الولد وفجأه لقينها بتقول اسفه مش هاقدر اكشف عليه !!!!!!!!!!!


ليه ياستى قالت مش باكشف على رجاله !!!!!!!!!!!


بس الولد عنده 15 سنه بس


ردت طيب وايه يعنى هو ماشالله طويل وبعدين 15 سنه ده راجل 


...المهم ان الدكتوره الفاضله فضلت تسأل هو ماله بيشتكى من ايه ..ايه اللى بيوجعه بالظبط ...


.وبناءا عن الكشف الشفوى اللى عملته كتبت روشته !!!!!!!!..اه والله 
طبعا الكلام ده معجبنيش ابداولا اقنعنى موضوع الكشف الشفوى ده  وخرجنا ندور على الدكتور اللى احنا رايحين له اصلا..


.المهم ان احنا لقيناه وبعد ماشاف الولد وكشف عليه كويس و طلع الموضوع مش بسيط ويستلزم اجراءات سريعه زى تعليق المحاليل وبسرعه


 قعد معانا واعتذر عن التأخبر وابتدا يشرح لنا ايه سبب تأخيره 


....السبب ان فيه اتنين بلطجيه !!!ايووووه بلطجيه بحق وحقيق

كانوا بيتخانقوا بسبب المنافسه على منطقه ما ...


مين صاحب النفوذ فيها ...بمعنى مين فيهم هياخد الاتاوات من اصحاب المحلات والباعه اللى فارشين بضائعهم فيها !!!!!!!


المهم الخناقه تطورت وواحد فيهم ضرب التانى بمطواه وقتله 
 قتله !!!!!!!!!!!!....وهو كان بيشوف الحاله 


انا يبقى معايا فى نفس المكان قتيل !!!!؟


ماعلينا واحنا منتظرين الاسعافات الازمه لابنى تكمل ..


.الا ونسمع صوت صراخ رهيب ...وطبعا المتطوعين باخبار كل الموجودين عن الحكايه...


.قالوا ان ده شخص كان مطلوب وان حصل بينه وبين الشرطه مطارده زى اللى بتحصل فى افلام الاكشن الرديئه ...


وانه اثناء المطارده وهو بينط  من بيت لبيت وقع من الدور الخامس 
!!!!!!!!!!!!!!




اشياء مش عارفه ليه كنت معتقده انها مش بتحصل الا فى الافلام العربى




 واتضح ان اصوات الصراخ الرهيب دى ناتجه عن انهم بيردوا له الخلع اللى حصل له فى جسمه 


اصله وقع من الدور الخامس ومامتش !!!!!!!!!!!


بعد ماخرجنا من المستشفى دى على خير ...


قعدت بهدوء افكر فى كل الحاجات اللى حصلت طول اليوم ...


ازاى طبيبه المفروض ان شغلتهااللى بتقبض مرتب عنها انها تساعد المرضى ترفض الكشف على اى مريض تحت اى سبب ؟




فرضا ان المريض ده بين الحياه والموت لاقدر الله وان رفضها الكشف عليه لانه راجل !!!...كان السبب فى موته ....




هل هى معتقده ان ربنا هيسامحها لانه فضلت متمسكه بانها ماتلمسش راجل !!!؟




ومادام هى متمسكه بانها ماتكشفش على رجال ليه بتشتغل فى مستشفى بيستقبل حالات من الجنسين ..


ماتروح تشتغل فى مستشفى حريمى 
!!!ياترى هى راضيه عن نفسها ومعتقده انها باللى بتعمله ده بترضى ربنا!!


.هل هى معتبره ان المرتب اللى بتاخده مال حلال !!!؟


المفروض ان الطب رساله نبيله مهمتها تخفبف الام المرضى وانقاذ ارواحهم بصرف النظر عن لونهم او جنسهم او دينهم ....


او يمكن الحكايه دى اتغيرت وانا مش واخده بالى 






اما حكايه البلطجيه اللى واحد فيهم قتل التانى ...


عرفت بالصدفه ان اثناء الخناقه الرهيبه اللى حصلت بينهم كان موجود ناس من جهات بايدها انهاء الموضوع


 ولم يتدخلوا نهائيا ....وعرفت ان المبدأ المعمول به فى الحالات دى ....سيبوهم يخلصوا على بعض....


!!!!!!!!
المغامره الغريبه طرحت العديد من الاسئله على ذهنى 


اهمها...هى البلد دى ماشيه كده كل واحد يعمل اللى هو عاوزه من غير رقيب ولا حسيب .؟


 وياترى دى بدايه الفوضى ولا احنا كده فى قمه الفوضى !!!؟

13 التعليقات

كوته المرأه






....مع اننا فى القرن الواحد وعشرين ورغم ان العالم يخطوا بخطى سريعه للامام 

الا اننا وكالعاده بنرجع لورا...فالكلام على المستوى الرسمى مع دورالمرأه وترسيخ مكانتها 

الا ان الاختراع المسمى كوته المرأه يؤكد عكس ذلك تماما

المفروض ان المرأه بعد كل السنين دى من ايام قاسم امين وهدى شعرواى 

بتكافح لتأكيد مكانتها فى المجتمع .....

لكن مع الكوته رجعت المرأه لعربيه الحريم ....المفروض ان اثبات الكفاءه بيتم على اساس الاعمال والكفاءه مش على اساس الجنس 

ازاى تقدر المرأه تثبت كفاءتها...اذا تم اقصاءها ووضعها فى مجموعه من نفس جنسها 

عند اعطاء المراة الكوته في الانتخابات فانها تلغي مساواتها بالرجل .

عند اعطائهاا الكوته لن تتمكن من ممارسة الانتخابات بشكل اوسع واكثر جدارة ومنافسة الذكر بقوة

عند اعطائها الكوته تاخذ مكان بقوة الكوته وليس بما يروه الناخبون .

وبرغم من عدم اقتناعى بجدوى الانتخابات والبرلمان المصرى من اصله ...بس موضوع الكوته ده استفزنى جدا 

لان فيه اخلال قوى بمبدأ المساواه اللى واجعين قلبنا بيه بقالنا عشرات عشرات السنين 

وبما ان الحكايه غلط ومش مقبوله من الاصل 

فالنتيجه انها افرزت اشياء مثيره للسخريه وابسط مثال الصوره الموجوده مع البوست  ...

.وفى لقاء تلفزيونى مع بعض مرشحات الكوته 

وضح وبشده مستواهم الفكرى المتألق ...شى مايتوصفش لانه لازم يتشاف 

الهوانم فاكرين ان نائب البرلمان دوره قاصر على الحصول على امضاءات الساده الوزراء على قرار تعيين او قرار علاج على نفقه الدوله 

ومفيش عندهم اى فكره عن الدور التشريعى للمجلس ودوره فى محاسبه الساده الوزراء وخلافه 
طبعا انا عذراهم ..

..لان حتى الساده النواب المخضرمين معتقدين ان هو ده دورهم ومابيعملوش غيره 

بس كنت منتظره انهم حتى يظهروا بعض من الفهم للدور الحقيقى للنواب ....ولما يبقوا نواب يعملوا اللى عاوزينه ...
.ولكن للاسف مش عارفين حتى يمثلوا انهم فاهمين 

ومع قليل من التفكير ...عن سبب ظهور كوته المرأه

اتضح لى ان  الموافقه على قرار تخصيص 32دايره انتخابيه بتضم 64مقعد فى مجلس الشعب 
بدعوى تفعيل دور المرأه ....احتمال يكون استجابه لضغوط خارجيه 

والاحتمال الاكبر والاكتر صحه هو ..رغبه الحزن الحاكم فى اضافه مقاعد لحصته فى الانتخابات القادمه وهو نوع من التحايل على القانون لضمان سيطرته على ال64مقعد 

رغم اان ده تعدى صارخ على مبدأ المساواه بين المواطنين......ويااهلا بالنوايب 

ماعلينا اهو اى كلام زى غيره
وعليه 
فان كوته المرأه هى اكبر دليل على اننا عايشين فى سيرك الحلو .....D؛
5 التعليقات

قناه رمضان واخواتها




رمضان شهر العباده والتقرب الى الله 


لكن وبكل اسف الشهر الكريم اتحول على ايد الساده الاعلاميين والفنانيين

لشهر فوازير ورقص ومسلسلات وبرامج تافهه
مهمتها الهائنا عن التقرب الى الله 

يعنى السنه فيها 11 شهر غير شهر رمضان ....حبكت يعن فى رمضان بالذات !!!!!!

ليه التركيز المحير و المشبوه ده على رمضان......وطبعا فيه امثله كتير على كلامى

اهمها امبراطور الاعلانات اللى فشل فى تلميع الوجه القبيح لحزبه امام الرأى العام وقرر انه ينشأ قناه رمضانيه ....

.تفتح بس فى رمضان !!!!!!!!!! جمع فيها كل البرامج التافهه وكل الاعلاميين المتخصصين فى برامج الفضايح 

اللى بتتاجر باسرار الساده المشاهير

قناه كل هدفها هو الاثاره وزياده الاعلانات اللى بيتبعها زياده الاستهلاك 

بس انا اظن ان الهدف الاهم والاخطر هو تسطيح الافكار وخلق اجيال هشه يسهل التأثير عليها  

 لسؤال اللى بيطرح نفسه بقوه هو ......ياترى الناس دى بتشتغل لمجرد الربح فقط

 ولاهما عندهم هدف اكبر وهو خلق اجيال من المسوخ لا لهم رأى ولاهويه .؟

  وكل سنه وانتم طيبين
14 التعليقات

طييييييييييير انت


         عندى عاده نفسى اتخلص منها 


الاوهى قراءه الجرايد ....وللاسف هى اليومين دول عاده سيئه جدا ....وانصح بالاقلاع عنها 


لان لها اثار مدمره على صحه الجهاز العصبى 
دى بقى مجموعه من العناوين اتنشرت فى اقل من شهر 


بتوضح مدى الابداع والعبقريه ..اللى احنا بنعيش فى ظلها 


الاخبار دى بتقول ايه بقى ....


عجبنى     عجبنى اوى اوى اسم الوزاره ....واضح جدا انها بتعمل شغل تمام .....لا وواضح ان جناب سياده وزير التميه الاقتصاديه .......مستوى ذكاؤه يليق بالوزاره المهمه دى ......بيقول مفيش زياده قبل الانتخابات .......يعنى فيه بعدها 




  باحسده على ثقته فى نفسه وفينا ....بس واضح انه مالى ايده مننا اوى 




!!!!!!!!!!!!! لا تعليق









الوطني ينفي نوم شباب الحزب أثناء لقاء مع صفوت الشريف! 


طيب وفيها ايه يعنى لما يناموا لهم شويه .....عادى يعنى دول ممكن يناموا لهم عشرين تلاتين سنه ولايفوتهم اى حاجه ...هيصحوا يلاقوا كل حاجه زى ماه






محافظ القاهرة يشترط الحصول على تراخيص لتعليق زينة رمضان!!!!!!!!!!!!


قال يعنى زينه رمضان هى اللى منعها هيوفر كهربا مصر



عجبتنى اوووووى يلهثون دى ......هما اللى قالوا ؛))




وعلشان الناس دول ربنا يخليهم لنا ويبدعوا كمان وكمان.......... بيتعبوا اوى ومش مقصرين 




دى بقى كانت نتيجه مجهوداتهم الجباره وتعبهم وسهرهم الليالى علشاننا 




كفايه كده عليا وعليكم تجنبا لامراض القلب والضغط والسكر

ملحوووووووووووووظه
 عنوان البوست مالوش اى دلالات .....باهيس من نفسى اشمعنى هما يعنى
؛)


6 التعليقات