عندى عاده نفسى اتخلص منها
الاوهى قراءه الجرايد ....وللاسف هى اليومين دول عاده سيئه جدا ....وانصح بالاقلاع عنها
لان لها اثار مدمره على صحه الجهاز العصبى
دى بقى مجموعه من العناوين اتنشرت فى اقل من شهر
بتوضح مدى الابداع والعبقريه ..اللى احنا بنعيش فى ظلها
الاخبار دى بتقول ايه بقى ....
عجبنى عجبنى اوى اوى اسم الوزاره ....واضح جدا انها بتعمل شغل تمام .....لا وواضح ان جناب سياده وزير التميه الاقتصاديه .......مستوى ذكاؤه يليق بالوزاره المهمه دى ......بيقول مفيش زياده قبل الانتخابات .......يعنى فيه بعدها
!!!!!!!!!!!!! لا تعليق
جمال مبارك :تم توفير 3.7مليون فرصه عمل فى 5 سنوات ضمن البرنامج الانتخابى للرئيس
ماليش نفس اضحك دلوقتى خااااالص
ماليش نفس اضحك دلوقتى خااااالص
الشريف: «صوتنا عالى وليس على رأسنا بطحة».. وسياسات «الوطنى» جنبت مصر السقوط فى هاوية الكساد والانهيار
يالهوووووى امال لو ماكانتش اتجنبت بقى !!!!!!؟
يالهوووووى امال لو ماكانتش اتجنبت بقى !!!!!!؟
الوطني ينفي نوم شباب الحزب أثناء لقاء مع صفوت الشريف!
طيب وفيها ايه يعنى لما يناموا لهم شويه .....عادى يعنى دول ممكن يناموا لهم عشرين تلاتين سنه ولايفوتهم اى حاجه ...هيصحوا يلاقوا كل حاجه زى ماه
طيب وفيها ايه يعنى لما يناموا لهم شويه .....عادى يعنى دول ممكن يناموا لهم عشرين تلاتين سنه ولايفوتهم اى حاجه ...هيصحوا يلاقوا كل حاجه زى ماه
الحكومة تدرس قرار الغلق المبكر للمحال التجارية عند الساعة السابعة مساء وتستثنى الصيدليات والمطاعم.. وغرفة الملابس الجاهزة تتوقع ركودا فى الأسواق بعد تطبيقه وتطلب عرضه على "التجارة"
!!!!!!!!!!!!!!
!!!!!!!!!!!!!!
عائشة عبد الهادى: 23 يوليو إجازة رسمية بأجر كامل لجميع العاملين بالدولة
ياست الحاجه ماهو اجازه اصلا ...........
ياست الحاجه ماهو اجازه اصلا ...........
وقف العمل بالتوقيت الصيفي اعتباراً من أول أيام رمضان وأستئنافه بعد الشهر الكريم
آآآآآآآآآآآآآآه ياااااااا نااااااافوخى
آآآآآآآآآآآآآآه ياااااااا نااااااافوخى
محافظ القاهرة يشترط الحصول على تراخيص لتعليق زينة رمضان!!!!!!!!!!!!
قال يعنى زينه رمضان هى اللى منعها هيوفر كهربا مصر
قال يعنى زينه رمضان هى اللى منعها هيوفر كهربا مصر
عجبتنى اوووووى يلهثون دى ......هما اللى قالوا ؛))
وعلشان الناس دول ربنا يخليهم لنا ويبدعوا كمان وكمان.......... بيتعبوا اوى ومش مقصرين
دى بقى كانت نتيجه مجهوداتهم الجباره وتعبهم وسهرهم الليالى علشاننا
وعلشان الناس دول ربنا يخليهم لنا ويبدعوا كمان وكمان.......... بيتعبوا اوى ومش مقصرين
دى بقى كانت نتيجه مجهوداتهم الجباره وتعبهم وسهرهم الليالى علشاننا
كفايه كده عليا وعليكم تجنبا لامراض القلب والضغط والسكر
ملحوووووووووووووظه
عنوان البوست مالوش اى دلالات .....باهيس من نفسى اشمعنى هما يعنى
؛)
6 التعليقات:
هيسي يا دودو براحتك خالص
:((((
زعلانه ليه بس ياياسو
هو انا ماليش نفس يعنى
اشمعنى هما نازلين تخاريف وتهييس ولاحد بيقولهم اى حاجه
:)
وبعدين مش يمكن ربك يسهل
ويطير
؛)
أعصاااااااابك يا دودو
لأ انتى تحاولى تهدى نفسك
طب انا ف الضغط العصبى دا
كل يوم سعادتك تقريبا
ما عدا الجمعة و السبت
اللى باخد هدنة شوية و اجازة
لما بكتب الصباحات
تقريبا بكتب تعليق عليها
مشابه للى بتقوليه هنا
حرقة الدم
و التعجب طول الوقت
بس قراية الاخبار امر ممتع
اصل بابا الله يرحمه كان صحفى
و كنت لما بساله ف الروقان كدا
ازاى بتقرى الجرايد الرسمية دى
و كلها كدب و زيف ؟!!!
و تدفع فيها فلوس كمااااان ؟!!
كان يقولى
لازم تقرى الغث
عشان تعرفى تميزى الثمين
و لازم تستوعبى التفاهات
عشان تردى عليها بكلام يمسحها
و يبين هيافتها
دا نوع من انواع المتعة
حكاية المقارنة
الناتجة عن الفرجة
و اللى بتطلعى منها
بمعرفة الشخصيات على حقيقتها
و تكتشفى ان
زى ما فيه ارجوازت كتير ف السياسة
كمان ف الصحافة
و الرياضة
و الفن و غيره
فيه ارجوازت بالهبل
و دول فرجتك كل يوم
مش انتى بس
اللى بتكونى لعبتهم
هما كمان لعبتك و فرجتك
بصيلها م الجانب دا
ترتاحى شوية
او على الأقل تحسى يا دودو
ان اعصابك متعكننتش هدر
و الحكاية جابت تمنها
و روقى يا جميلة
اخواتك ف التدوين عاوزينك
و ميستغنوش عنك
خالص ودى ليكى يا حبيبتى
طمطومه
والله باحاول اخدها من جانب الفرجه على الارجوزات ....وقدرت فى وقت من الاوقات انجح فى ده
بس للاسف ....اليومين دول ....الحكايه زادت عن حدها اوى
وللاسف الامر مبقاش مقتصر على مقالات رؤساء التحرير اياهم وجرايدهم بس
لااااااااا
ده بقى تصريحات رسميه مهلبيه
يعنى تلاقيها فى كل الجرايد
ولذا ياطمطومتى
باحاول جاهده انى اكبر دماغى وماادقش
بس ادعيلى اقدر
ما دا اللى يطمن يا دودو
التصريحات العبيطة لدرجة الغستفزاز دى
بتقول ان الأنفصال عن الواقع بقى فاضح قوى و هما مبقوش حتى عارفين يواكبوا الناس و يضحكوا عليهم
زى ما فهمى هويدى قال
حتى الكدب بقوا خايببن فيه ؟!!
معرفش ليه متفائلة
و بحس ان دى اشارات
و كلما تسارعت الوتيرة
اطمن ان الحكاية صح
بس بتمنى
ان ربنا يستر
و يكون الناتج ف صالح الناس
مش العكس
ربنا يسترررر
و ربنا يا حبيبتى يقدرك
و يكتبلك الخير
خالص حبى ليكى
و سلامى للعيال المحظوظين
بكونك مامتهم
انا كمان من صغري بحب الجرائد بحكم ان بابا كمان مدمن عليها و انا اخدت العادة دي منو
بس ابتديت كل اما اكبر في السن تقل العادة دي
ليه بقى ؟
اكتشفت ان الجرائد دي كلها و بركز على كلمة كلهامجردتسالي زي مجلة ماجد اللي بيعملوها للاولاد الصغار عبارة عن مسرحيات مضحكةاو اخبار خرافيهو احيانا تفاصيل نصفها كذب عشان يسلو بيها الناس او يقتلو الناس اللي زيك كده بتنقهر على الواقع المر بتاعنا
اخر الكلام اعملي زي و اتفرجي على الصور و ا قري العناوين بس,
هههههه
إرسال تعليق