This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

كوته المرأه






....مع اننا فى القرن الواحد وعشرين ورغم ان العالم يخطوا بخطى سريعه للامام 

الا اننا وكالعاده بنرجع لورا...فالكلام على المستوى الرسمى مع دورالمرأه وترسيخ مكانتها 

الا ان الاختراع المسمى كوته المرأه يؤكد عكس ذلك تماما

المفروض ان المرأه بعد كل السنين دى من ايام قاسم امين وهدى شعرواى 

بتكافح لتأكيد مكانتها فى المجتمع .....

لكن مع الكوته رجعت المرأه لعربيه الحريم ....المفروض ان اثبات الكفاءه بيتم على اساس الاعمال والكفاءه مش على اساس الجنس 

ازاى تقدر المرأه تثبت كفاءتها...اذا تم اقصاءها ووضعها فى مجموعه من نفس جنسها 

عند اعطاء المراة الكوته في الانتخابات فانها تلغي مساواتها بالرجل .

عند اعطائهاا الكوته لن تتمكن من ممارسة الانتخابات بشكل اوسع واكثر جدارة ومنافسة الذكر بقوة

عند اعطائها الكوته تاخذ مكان بقوة الكوته وليس بما يروه الناخبون .

وبرغم من عدم اقتناعى بجدوى الانتخابات والبرلمان المصرى من اصله ...بس موضوع الكوته ده استفزنى جدا 

لان فيه اخلال قوى بمبدأ المساواه اللى واجعين قلبنا بيه بقالنا عشرات عشرات السنين 

وبما ان الحكايه غلط ومش مقبوله من الاصل 

فالنتيجه انها افرزت اشياء مثيره للسخريه وابسط مثال الصوره الموجوده مع البوست  ...

.وفى لقاء تلفزيونى مع بعض مرشحات الكوته 

وضح وبشده مستواهم الفكرى المتألق ...شى مايتوصفش لانه لازم يتشاف 

الهوانم فاكرين ان نائب البرلمان دوره قاصر على الحصول على امضاءات الساده الوزراء على قرار تعيين او قرار علاج على نفقه الدوله 

ومفيش عندهم اى فكره عن الدور التشريعى للمجلس ودوره فى محاسبه الساده الوزراء وخلافه 
طبعا انا عذراهم ..

..لان حتى الساده النواب المخضرمين معتقدين ان هو ده دورهم ومابيعملوش غيره 

بس كنت منتظره انهم حتى يظهروا بعض من الفهم للدور الحقيقى للنواب ....ولما يبقوا نواب يعملوا اللى عاوزينه ...
.ولكن للاسف مش عارفين حتى يمثلوا انهم فاهمين 

ومع قليل من التفكير ...عن سبب ظهور كوته المرأه

اتضح لى ان  الموافقه على قرار تخصيص 32دايره انتخابيه بتضم 64مقعد فى مجلس الشعب 
بدعوى تفعيل دور المرأه ....احتمال يكون استجابه لضغوط خارجيه 

والاحتمال الاكبر والاكتر صحه هو ..رغبه الحزن الحاكم فى اضافه مقاعد لحصته فى الانتخابات القادمه وهو نوع من التحايل على القانون لضمان سيطرته على ال64مقعد 

رغم اان ده تعدى صارخ على مبدأ المساواه بين المواطنين......ويااهلا بالنوايب 

ماعلينا اهو اى كلام زى غيره
وعليه 
فان كوته المرأه هى اكبر دليل على اننا عايشين فى سيرك الحلو .....D؛

5 التعليقات:

bastokka طهقانة يقول...

و الله يا دودو انا مش فاهمة ايه الكوتة دي اللي طلعولنا بيها دي مفروض يسموها التعدي
التعدي على ادمية المرأة و حصرها في ركن زخنوق ضيق و التعدي على حرية المواطن و كسب اصوات بالعافية و التعدي على روحنا اللي بقت في مناخيرنا منهم
بس عايزة اقولك ربنا يمهل و لا يهمل
بوست في وقته يا دودو تسلم الايادي و الكيبوردات

يا مراكبي يقول...

عندك حق

الموضوع كده كلُه خرج عن أي إطار منطقي وحسيت كأننا رايحين نشتري بطيخ من عند الجزّار


الأمر مقزز ومقرف - مش لعلاقته بالرجال والنساء - لكن بسبب طريقة التسطيح وتفريغ الأمور من اطارها

لنا الله

Mona Hekal يقول...

اول مرة زيارة
معاكي حق بس اساسا ايه كلمة كوته دي معناها ايه
احنا شعب متناقض في كل حاجة

Unknown يقول...

فعلاً زى أستاذة
منى ابو السعود
ما بتسأل :يعنى أيه كوتة؟
ايه أصل الكلمة يعنى؟

كلمات من نور يقول...

طيب يا صبر طيب

دودو خليها على الله بقى علشان المواضيع دي بقت تثير البتنجان في دماء الواحد


تحياتي