This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

لا مختصر ولا مفيد .





...استفزنى مقال الصحفى الجبار محمد على ابراهيم 



اللى ابدى دهشه كبيره من دفاع المصريين عن خالد سعيد ووصفه بشهيد البانجو 


وياريته اكتفى بكده لا....


ده على حد قوله فى مقطع من مقالاته الجباره 


ااذاكانت الداخليه رافت بالقتيل ولم تشأ ان تظهر سجله المخزى حرصا على حرمه الاموات !!!!!!
الا ان الصف الخاصه والمعارضه اجبرت الداخليه على نشر مايسىء للقتيل رغم امتناعها فى البدايه واكرر ان الكراهيه والرغبه فى الانتقام من الدوله والنظام والامن تدفع البعض الى ارتكاب اخطاء قاتله فى سبيل التشويه واشاعه الفوضى
طيب هنخلينا مع حضرته لحد باب الدار


وزى مابيقولولنا ادايما اننا فى بلد حريات


وان الاختلاف فى الراى لايفسد للود قضيه 
نناقش حضرته فى كلامه


فرضا ان خالد متعاطى مخدرات ومات مخنوق وهو بيحاول اخفائها 
!!!!!!!!!!!
طيب الاثار الفظيعه اللى على جسمه ووشه دى جت منيين ؟




لو هو تاجر مخدرات ....مش المفروض ان فيه طرق قانونيه لمحاكمه الخارجين على القانون من غير المساس بادميتهم ؟


ايوه ادميتهم ....


لو هو ادى خدمته العسكريه بتقدير ردىء..........ايه المشكله ؟


مااحنا سمعنا عن المطرب اللى اتهرب من الخدمه العسكريه خالص


وزور وبالرغم من كده بيجيبوه يغنى فى احتفالات القوات المسلحه بنصر اكتوبر 
!!!!!!!!!!!!!!!!!!!


يعنى حتى هو لو مجرم ويستحق العقاب المفروض مين يعاقبه وازاى ؟


اكيد ده شغل القضاء والمحاكم 


ولا العقاب دلوقتى بقى فورى ويتم فى الشوارع !!؟


ياريت سياده رئيس تحرير الجمهوريه الهمام يتخيل نفسه هو او حد من اقاربه فى نفس الموقف  وساعتها نشوف ......هل هيبقى ده هو نفس رد فعله ؟


اما عن ماقاله عن  ان الكراهيه الشديده لاجهزه الدوله هى المحرك للمظاهرات وغيرها من مظاهر الاعتراض على مقتل خالد 


ياريت حضرته يفكر شويه ويقولنا تفسيره للكراهيه دى 




هل من المعقول ان اتفاق اكتر من شخص على كره كيان ما او شخص من غير سبب؟


ياريت جنابه يشغل عقله شويه 
يمكن يفهم



13 التعليقات:

مي ثابت يقول...

أولاً: مبارك "أكيد مش عوكل" يا دودو على المدونة .. و لو إن التهنئة متأخرة.. لكن عذرى أننى لم أعلم بها سوى الآن فقط من تتبع ردك عند نوارة .

و بدون مجاملة .. أنتِ مكسب حقيقى يا دودو لم يقرأ لكى .

أما عن موضوع التدوينة أقول :

""ياريت حضرته (يفكر شويه) ويقولنا تفسيره للكراهيه دى""
----------
ليييييه كده يا دودو عهدى بك أنك رقيقة و لا تطلبين من أحد ما لا يقدر عليه .
بقى يا دود ينفع نطالب محمد على إبراهيم بالتفكير !!! حتى و لو ذرة مش شوية ... ليه القسوة ديه !!

إنتِ طبعاً عارفة إن عضو الجسم الذى لا يُستخدم يضمر .. و الراجل واضح من كتاباته إن أصبح عنده عقل ضامر .. و بكده مينفعش و نبقى بنظلمه لما نطالبه بالتفكير .

الرحمة حلوة يا دودو .

دودو يقول...

مى ميويه
حبيبتى
مش مصدقه نفسى والله
وحشاااااااااااااانى جدا جدا جدا
والحمدلله انى علقت عند نواره النهارده
:)


الله يبارك فيكى يامى ياجميله
اهو قولت افك عن نفسى شويه بالكتابه بدل مايجرى لى حاجه


اما بقى ان جنابه يفكر
فاكيد ان كنت باكتب الكلمتين دول وانا عارفه انهم مستحيل يتنفذوا
:)
لان الفصيله دى معندهاش مخ من اصله

Unknown يقول...

لا يستحق ان تفردي له صفحة على مدونتك الغراء الشريفه

و اطالب من هذا الموقف ان يتم حذف اسمه من مدونتك و الاشارة اليه باى صفه من صفات الخنازير و دلاديل النظام

و الله لا يستحق عناء ما كتبتيه
كل ما يستحقه فعلا هو الضرب بالبلغة

او مظروف ناري لا يتعدي سعره 2 جنيه مصري و يخلصنا من امثاله

Unknown يقول...

انا اري انى تطرقت كثيرا فى تعليقى السابق بالتدونة السابقة و هذا التعليق

إلي فكرة استخدام السلاح
هل ترين أن مثل هذه الافكار ..
اى الكفاح المسلح ضد حكومة الاحتلال فى مصر .. قد تجدي نفعا ؟؟

و ما هو السبيل إن كانت مثل هذه الافكار العنيفه مرفوضه بالنسبه اليك
الى التخلى عنها ؟؟

عذرا على الاطاله و لكنى لا اجد غير مدونتك التى تأخرت جدا فى الظهور للفضفضه فيها

مي ثابت يقول...

الغالية دودو :

أخجلتينى بكلامك و ذوقك ... ربنا يبارك فيكى يااااااااااااااارب .

فاتيما يقول...

يا دودو

حرام عليكى نفسك يا بنتى


حد يقرى للعاهات دى برضو ؟!!!
انتى مستغنية عن صحتك النفسية
و لا عليكى ذنب بتخلصيه
و لا ايه ؟؟


و بعدين عقل ايه
اللى هيشغله
دا مكانه كفتة
او لحم البعرور غاااالبا



و هوه جاي ف المكان دا
عشان يكتب
المطلوب منه
و ميفكرش


و يمكن لو فكر شوية
احتمال كبير يطروده
او يعملوله
عمليه نزع مخ
اذا لزم الامر



محاولة التفاهم
مع النوع دا من العقليات
امر ميئوس منه
و استنزاف لأعصابك
بلا جدوى


اما بالنسبة لخالد
الله يرحمه
فحملة تشوية السمعة دى
مكشوفة من البداية
و محدش مصدقها
و لو بنموت حيوان
ربنا سن قواعد و اصول
ايش حال البنى آدم
اللى ربنا كرمه
عن سائر مخلوقاته


ربنا
اسمه
العدل



خالص ودى ليكى

دودو يقول...

بلوووو

انا عارفه جبله المخلوق ده واللى على شاكلته

وعارفه انهم مجرد اشياء لاقيمه لها
بس استفزنى
كم الفاله الخرافى فى مقال

هو يتقن التقيؤ
ولكن تقيؤاته المره دى بالذات استفزتنى

يمكن لانى معتبره خالد زى ابنى
او يمكن النهش سيره فى شخص انتقل لرحمه له شىء مقزز
!!!!!!!!؟

ولعلمك هو لايستحق حتى 2 جنيه

دودو يقول...

فاتيما

والله انا مقاطعه الجرايد القوميه
من ساعه مانجوم النفاق والتدليس مسكوها

بس المقال ده لقيته على الفيس بوك واستفزنى جدا
يعنى مش مكفيهم قتل خالد وتشويهه
لا دول عاوزين يقتلوه ويشوهوه معنويا كمان

ربنا ينتقم منه

بيقكرنى بالخادم الاحمق اللى عاوز يخدم سيده

ويتصرف تصرف احمق يضع سيده فى حرج

يعنى بسلامته عاوز يخدم ويمسح جوخ
بس البعيد غبى
مالوش غير فى لحم البعرور

Unknown يقول...

خسارة يا دودو انك بتضيعي وقتك في قراءة كلمة لهذا الصحفي.

تصدقي بالله انا اول مرة قريت فيها مختصر ومفيد بحسبه لصحفي صغير بينافق الحكومة عشان يكبر

الراجل ده مداهن نظامي من الدرجة الاولى

فاكرة ايام العدوان المشؤم على غزة كانت الدنيا بتتكلم عن القتلى والجرحى

وجنابه بيخرط في حماس و علاقتها بالاخوان و ان هي السبب و حبيب هارته محمود عباس يا حرام مظلوم و بريء
.................
عجبني اوي التعليق ده من " مي ثابت "

اقتباس " ليييييه كده يا دودو عهدى بك أنك رقيقة و لا تطلبين من أحد ما لا يقدر عليه ." انتهى

امثال هؤلاء لو فكروا حنفية الفلوس حتتقفل لأنهم حايفتكروا ان فيه الله بيحاسب على الكلمة " ما يلفظ من قول الا لديه رقيب عتيد " و فيه اخرة و حساب و لو افتكروا ذلك ممكن يتوبوا و هم خايفين يتوبوا لأن الحنفية حتتقفل

هؤلاء نسوا الله فأنسهم انفسهم

موعدنا وموعدهم و موعد خالد امام الجبار ليحكم بيننا و بينهم

و أسأل الله ان نكون جميعا في مقعد صدق عند مليك مقتدر

Me7'o يقول...

البنى آدم ده أنا مش بطيقه أساساً لإنه زعيم المنافقين

ده غلب عبد الله بن أبى سلول

ماقلش كلمة حق واحدة من يوم ما قعد ع الكرسى

شوفى بقى اللينك ده

http://www.amlalommah.net/aml-11926.html

علشان تعرفى إن محمد على إبراهيم ده
تلمييييييييييييييييذ

دودو يقول...

عثمان
ربنا كبير
وقادر انه ينتقم من الاشكال دى

طبعا انا فاكره مقالاته ايام حرب غزه

وكمان ايام عدوان اسرائيل على لبنان

!!!!!!!!!
بس كله كوم ونهشه فى خالد كوم تانى
ربنا ينتقم منه

دودو يقول...

ميخووووووووو
ههههههه
حرام عليك والله
مجدى الدقاق دمصيبه طبعا
بس بتاع لحم البعرور له مذاق مختلف
:))
وبالمره بقى علشان ماننساش اللسته السوده
اللى مشرفينا فى الفضائيات
عد بقى

احمد موسى
مجدى الدقاق
اسامه سرايا

دول اللى فاكراهم واللى مش عارفه بيقولوا الكلام اللى بيقولوه ده ازاى ؟

وطبعا لو عدينا بتوع لجنه السياسات والمذيعين اللى بيلعبوا نفس الدور
المدونه مش هتكفى

همسات دافئه يقول...

واللهي دي قله ادب
اكيد كلب من كلاب الحكومه زقو
ان ماكنش هو نفسه كدا