عنوان البوست ده مقتبس من قول مأثور للسيد وزير التعليم
ردا على مواطن معتصم امام مجلس الشعب لانه بيطالب باسثناء لابنته مثل اصحاب الوسايط
بصرف النظر عن ان الاب له حق او لا
او بيعتصم بسبب تاخر اولاده سنه دراسيه او بسبب شعوره بالظلم والقهر
كلام سياده الوزير مع الراجل كان فيه سخريه واستخفاف
مع ان المشكله ابسط مايكون ولو كان فيه قدر من الحكمه فى التعامل مع الامور
كانت مشاكل كتير اتحلت
ولكن ان الوضع تحول لعند بين طرفين غير متكافئين
الساده المسؤلين والكبرات والمواطنين الغلابه
وطبعا النتيجه معروفه
مزيد من الظلم والقهر
مفيش كده فى الدنيا ...حكومه المفروض ان وظيفتها خدمه المواطنين وبدل ماتقوم بواجبتها ناحيتهم وتريحهم
بتعاندهم .....طيب واخرتها
ويكمل الموضوع بان السيده الفاضله وزيره الاسره تشك الراجل بلاغ لانه بيستغل اطفاله
ده بدل ماتتعاون مع وزاره التعليم فى حل مشكله المواطن ده وغيره
وقال ايه قطع قلبها منظرهم وهما فى الشارع
طيب حلوا مشاكلهم وارحموهم
واضافت سيادتها ان كل من له حق لابد ان يلجاأ للقانون وكلنا معاه علشان ياخد حقه
صحيح شر البليه مايضحك
اى قانون ياست الحاجه
هو لو فيه حد عارف ياخد حقه بالقانون او بالمناقشه مع المسؤلين
كنا شفنا كم الاعتصامات الموجوده دى
وبمناسبه الاعتصامات لو كان الاب المعتصم ده بص بصه على المعتصمين جيرانه
كان هيقابل مجموعه شباب زى الفل اسمهم مجموعه الخمسه والاربعين
مجموعه من الاوائل على كليات الحقوق تم تخطيهم فى التعيين فى النيابه وتم تعيين مجموعه من الفاشلين اصحاب الوسايط فى اماكنهم
وواضح انهم كانوا مصدقيين حكايه كل واحد ياخد حقه بالقانون
ورفعوا قضايا للمطالبه بحقوقهم وبعد 11 سنه تم الحكم لصالحهم
ياسلاااااام يحيا العدل
ولكن لم يتم تنفيذالحكم برغم انه حكم ملزم......وكان مصيرهم هو الجلوس على الرصيف المقابل
ياسبحان الله
لو الاب المعتصم فكر ثواتى .....كان عرف ان اللى بيعمله ده مالوش اى لازمه لان فى الاول والاخر كله مصيره على الرصيف
ردا على مواطن معتصم امام مجلس الشعب لانه بيطالب باسثناء لابنته مثل اصحاب الوسايط
بصرف النظر عن ان الاب له حق او لا
او بيعتصم بسبب تاخر اولاده سنه دراسيه او بسبب شعوره بالظلم والقهر
كلام سياده الوزير مع الراجل كان فيه سخريه واستخفاف
مع ان المشكله ابسط مايكون ولو كان فيه قدر من الحكمه فى التعامل مع الامور
كانت مشاكل كتير اتحلت
ولكن ان الوضع تحول لعند بين طرفين غير متكافئين
الساده المسؤلين والكبرات والمواطنين الغلابه
وطبعا النتيجه معروفه
مزيد من الظلم والقهر
مفيش كده فى الدنيا ...حكومه المفروض ان وظيفتها خدمه المواطنين وبدل ماتقوم بواجبتها ناحيتهم وتريحهم
بتعاندهم .....طيب واخرتها
ويكمل الموضوع بان السيده الفاضله وزيره الاسره تشك الراجل بلاغ لانه بيستغل اطفاله
ده بدل ماتتعاون مع وزاره التعليم فى حل مشكله المواطن ده وغيره
وقال ايه قطع قلبها منظرهم وهما فى الشارع
طيب حلوا مشاكلهم وارحموهم
واضافت سيادتها ان كل من له حق لابد ان يلجاأ للقانون وكلنا معاه علشان ياخد حقه
صحيح شر البليه مايضحك
اى قانون ياست الحاجه
هو لو فيه حد عارف ياخد حقه بالقانون او بالمناقشه مع المسؤلين
كنا شفنا كم الاعتصامات الموجوده دى
وبمناسبه الاعتصامات لو كان الاب المعتصم ده بص بصه على المعتصمين جيرانه
كان هيقابل مجموعه شباب زى الفل اسمهم مجموعه الخمسه والاربعين
مجموعه من الاوائل على كليات الحقوق تم تخطيهم فى التعيين فى النيابه وتم تعيين مجموعه من الفاشلين اصحاب الوسايط فى اماكنهم
وواضح انهم كانوا مصدقيين حكايه كل واحد ياخد حقه بالقانون
ورفعوا قضايا للمطالبه بحقوقهم وبعد 11 سنه تم الحكم لصالحهم
ياسلاااااام يحيا العدل
ولكن لم يتم تنفيذالحكم برغم انه حكم ملزم......وكان مصيرهم هو الجلوس على الرصيف المقابل
ياسبحان الله
لو الاب المعتصم فكر ثواتى .....كان عرف ان اللى بيعمله ده مالوش اى لازمه لان فى الاول والاخر كله مصيره على الرصيف
10 التعليقات:
عندك حق يا دودو حكومه بايظه وفاشله وفاسده للاسف ومواطنين غلابه لاعارفين ياخدوا حقهم بالواسطه ولا بالعدل ولا بأى حاجه ربنا يرحمنا جميعا الواحد فعلا زهق وقرف وده للاسف المخطط اللى الحكومه بتعمله ونجحت فيه بامتياز
واللهى ياهامى
مع الوقت باتاكد انه مخطط
علشان اللى ماماتش من الاكل الملوث والميه المخلوطه بالبيبى
يموت منقوط ومفروس
او يموت بضربه شمس وهو معتصم قدام البرلمان
وكله كوم والست الوزيره دى كوم
يتشتكى الراجل الغلبان علشان الولاد صعابنين عليها
ومش صعبان عليها اطفال اللى بيشتغلوا شغل شاق جدا علشان يقدروا يوفروا لقمه ياكلوها هما واهاليهم
ولا الولاد اللى مرميين تحت الكبارى
وجنابها بتروح تشوف الولاد دول وهى عامله شعرها ولابسه سينيه
والله مانا عارفه اقول ايه ولا ايه
غير
يارب
حكم بعد 11 سنة!!! كلامك فكّرني بخبر قرأته من كام سنة عن خريج الجامعة اللي كان أوّل دفعته وقدّم للعمل فى الخارجية ونجح فىة الإنتحانات إلا إنه فى إحد مراحل الإمتحان تم إستبعاده ، وقيل له السبب هو إن وسطه الإجتماعي غير مناسب للعمل بالخارجي. الولد راح رمة نفسه فى النيل وإنتحر
اللي بيحكموا مالهومش مصلحة فى حل المشاكل أو تصحيح أو وضع ، بل بالعكس ممكن مصلحتهم تكون فى إبقاء الوضع القائم على ما هو عليه إن لم يكن تدميره أكثر وأكثر
اولا يا دودو الراجل مش بيطالب باى استثناء
دة حقهم وهم سنهم قانونى
الحكاية كلها غريبة
واحد بقاله ست شهور سايب شغله عشان قال ايه دة حقهم ولازم ياخدوه
واشمعنى الحق دة اللى هو مصر عليه
دة لو فكر شوية هيلاقى نفسه ليه عن الحكومة يجيى 170 حق وما بياخدش اى حق فيهم
اشمعنى الحق دة اللى هو مصر عليه
لما شفته مع عمرو اديب
حسيت انه لاسع
يمكن من كتر الوقفة فى الشمس
الله اعلم
بالنسبة بقى للوزير
فارسنى اوى مفردات كلامه
مرة يقول لمدير المدرسة بتاع حلوان
هو انت بقى مدير المضرسة؟؟
وكأنه بيمثل دور فى مسرحية المشاغبين
والمرة دى بيغنى للمواطن اغنية ام كلثوم تهكما على ما يعانيه هذا المواطن الغلبان
وعلى رأيك
الحكومة بجلالة قدرها
بتعاند مواطن غلبان
شفتى الجبروت
بيتشطروا على الغلابة وبس
حتى الست الوزيرة اللى قلبها اتخرط عليه بصل من المشهد ماهانش عليها تقول كلمتين حلوين فى حق الراجل وتتوسط لدى زميلها وزير التعليم ويحلوا الموضوع
قامت هى كما ناشة الراجل شكوى
وكأن الحكومة بتستمع اوى وهى عايشة دور الولية المفترية اللى ماسكة الشبشب لجوزها
الغلبان وراحة جاية بتضربه بأبو وردة على قفاه
عارفة انتى طولت اوى
بس مفروسة الصراحة
مفروسة على الاخر
بكره الناس تزهق من الاحتجاج زي ما اصابهم الملل من الكلام والشكوى
عدى النهار طبعا انا فاكره الحكايه دى كويس جدا
واثرت فيا جدا
وكان ايامها فيه سؤال محيرنى
ايه هى المقاييس اللى من خلالها نبقى لائقين اجتماعيا ؟
هل لو الولد ده كان ابن واحد من الاغنياء الجدد اللى ظهروا فجاءه ومحدش عارف مصدر ثرواتهم
كان هيبقى غير لائق اجتماعيا برضه
ولا هو غير لائق اجتماعيا لانه حيالله اجتهدلغايه مابقى من المتفوقين وابوه
راجل شريف وغلبان شقى لحد ماعلمه
بصراحه مقاييس احترام وتقدير البشر فى بلدنابقت غريبه وغير مفهومه
ومين سمعك يارانيا انا مفروسه اكتر منك
مش عارفه الجماعه الكبارات عاوزين يعملوا فى الناس ايه اكتر من كده
واخدتى بالك
من تحالف الشرالثنائى بين حضرات الساده الوزير والوزيره
هو يتهكم على الراجل
مع انك لو شفتيه كان على وشك ازمه قلبيه
وبرضه مفيش رحمه
والست الوزيره بتشتكيه وعاوزه تسجنه
!!!!!
وبعدين انتى مش عاوزه الراجل يلسع
لو سمعتى كلامه هتلاقى اللى هو فيه نتيجه تراكمات من الظلم اتعرض لها
بس فى الاخر قرر يستبيع ويعمل اى حاجه
لورانس
ياخوفى ده يحصل؟
هو صحيح مفيش حاجه بتتغير
بس مجرد ان الناس تحتج دى خطوه كويسه
ده العادي يا اختي الفاضلة
و اليوم لن اعلق بكلامي لأن التعليقات اصبحت فورمة واحدة
و سأعلق بكلام الشاعر المحترم فاروق جويدة
" كل الحكاية أنها ضاقت بنا ..واستسلمت للص والقواد
في لحظة سكن الوجود تناثرت ..حولي مرايا الموت والميلادِ
قد كان آخر ما لمحت على المدى ..والنبض يخبو صورة الجلادِ
قد كان يضحك والعصابة حوله .. وعلى امتداد النهر يبكي الوادي
فصرخت والكلمات تهرب من فمي .. هذه بلاد لم تعد كبلادي"
...........................
وده لأن بلادي اللي انا اعرفها مبتبيعش ولاده بالرخيص و لا بتفرط في دمهم
مع خالص تحياتي وتقديري
البلد اصبحت عك فى عك والله المستعان
إرسال تعليق