This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

اطلب عنيا


حاجات كتير حصلت اليومين دول قضايا مصيريه 

زى ماتش الاهلى والزمالك او حكايه شوبير واتحاد الكوره 

ويمكن قض اعتصامات العمال بالقوه 

حاجات كتير خليتنا مانخدش بالنا من موضوع مهم جدا عدى على الكل ومالفتش نظرنا 

اوى برغم خطورته وخطوره  دلالاته 

الحكايه ومافيها 
ان زوجه شابه جالها اكتئاب وانتحرت ........عااااااااادى بتحصل 

الزوج راح علشان ينهى اجراءات استلام الجثمان 

فوجىء ان زوجته منزوعه القرنيات 

بمعنى اخر منزوعه العيون 

ادونى عقلكم ,,
لو اى حد لاقدر الله شاف منظر زى ده او قابله موقف زى الموقف ده !!!؟

وبعد البحث والتحرى والدوخه وانكار اداره المستشفى ظهرت الحقيقه 

الحقيقه ياجماعه ان ده قرار من سعاده جناب وزير صحتنا !!!!

لا وايه قرار سرى !!!!!!!!
القرار بيقول 

يتم نزع قرنيات الموتوفين وفاه طبيعيه او المتوفيين فى حوادث دون  الحاجه لموافقه اهاليهم
!!!!!!!!!
ياحلااااااااااوه

للدرجه دى مبقاش لنا قيمه ؟

للدرجه دى مبقاش لنا كرامه واحنا عايشين ولا لاجسادنا حرمه واحنا ميتين؟

ازاااااااااااى

طيب جربوا تحترمونا وتسالونا ولو مره واحده 

مش يمكن لو سالتونا نوافق 

بجد الموضوع فى منتهى الخطوره.......والاخطر انه مالفتش انتباه حد وعدى كانه حاجه عاديه 
ياخوفى بعد كده مايستنوش علينا لحد مانموت علشان ياخدوا اعضائنا.....

8 التعليقات:

سبهللة يقول...

أول مرة أسمع عن المصيبة دى
مصيبة الواقعة اللى حصلت واترمخ عليها
ومصيبة القرار اللى ما يعلم بيه الا ربنا
هو صحيح احنا هونا عليهم
بس مش للدرجة دى يعنى
حرقتى دمى على الصبح يا دودو
الله يسامحك
والقرار دة بقى بيشمله هو مراته وعياله وقرايبه واصحابه واللى زيه
ولا بيشملنا احنا بس؟؟
حسبى الله ونعم الوكيل

دودو يقول...

الف سلامه عليكى
بس ده اللى مجننى
حاجه خطيره زى دى ولا حد واخد باله
والكل اتعامل مع الموضوع انه حاله فرديه
بالرغم ان القرار اتنفذ على حالات كتير قبل ماجوز الست دى يكشف الموضوع

فاتيما يقول...

ازيك يا دودو

الموضوع مش بس مؤلم
مرعب جدااا

مفيش أى تفاصيل أخرى عن الحكاية؟؟

غريبة ان محدش سمع بيها
ف الأعلام و الفضائيات
اللى شغالة ليل نهار
ع القصص المشابهة ؟!!
اشمعنى ؟؟

زى قصة مدبحة بنى مزار اللى قالوا ان وراها عصابة لبيع الأعضاء واتعتم ع الموضوع


و بعدين اول مرة
اسمع عن القرار دا


على رأى سبهلولتى
المرة الجاية هياخدوا الأعضاء منا
قبل ما نموت

دا اللى فاضل

تحياتى ليكى

دودو يقول...

ازيك يافاتيما
سغيده جدا جدا جدا بتعليقك

انا وانا باكتب عن الموضوع كان عندى نفس الاحساس
حاسه انى فى فيلم رعب

على فكره الزوج تم استضافته فى برنامج 90بردقيقه
لكن للاسف الموضوع اتناقش على انه مشكله فرديه
مش مصيبه وكارثه
وده اللى مجننى
ده لينك
فيه شويه تفاصيل الموضوع
http://www.soutelomma.org/NewsDetails.aspx?NID=5291

فاتيما يقول...

قريت اللينك
يا دودو

لا حول و لا قوة الا بالله

الست كانت نور عيون جوزها و عيالها
و فجأة بسبب اختلال التوازن
بقت منتحرة
و يجوز عليها نزع القرنيات ؟!!!

ايه القانون المشبوه دا

المفروض دلوقتى نعمل قايمة سوداء للمستشفيات اللى بيسرى فيها القرار عشان محدش يودى مرضاه فيها بقى ...

احنا بقينا ف آخر الزمان


بعيدا عن موضوع البوست

انا كمان سعيدة
جدا جدا جدا
بالتعليق عندك

noha gamal يقول...

دى مصيبة بجد لو القرار دا حقيقى اصل وزارة الصحة رميت بالباطل الفترة اللى فاتت وطلعت براءة يارب الموضوع دا يبقى فشنك هو كمان يحسن دا شئ مرعب بجد مش من حق حد يفرض التبرع بالاعضاء بالقوة بس للاسف فى زمنا دا ومع حكومتنا دى كل شئ ممكن

دودو يقول...

يانهى انا حاسه ان الحكايه بجد
لان ده اللى الدكاتره قالوه للزوج
انه قرار من الوزير
يمكن يكون لازم موافقه اهل المتوفى
بس ده ماحصلش
يمكن لان مفيش حد بقى يراعى مشاعر حد
والمستشفيات بتتعامل مع المرضى الاحياء كانهم حيوانات
فمابالك بالمتوفيين
حاسه ان احنا فى روايه خياليه
ربنا يستر من اللى جاى ا

غير معرف يقول...

والله انا اول مرة اعرف الموضوع ده
حسبى الله ونعم الوكيل

كرمنتس