This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

فن البيع

اننا نتقن فن الشراء لا البيع، خصوصاً اننالا ننتج غالباً سوى الكلام


و بأبخس الأسعار لفرط استعمال الكلمات ذاتها والمدائح إياها.


كما اننا لا نصدّر سوى العقول على اختلاف قدراتها وبالجملة


. وليس لدينا مايباع إلا صناعات خفيفة ندرجها تحت عنوان  التراث


بينما تجتاحنا حمى شراء كل صنف


فالأهم أن نمتلك كل جديد حتى لو لم نكن نحتاجه 


وبما اننا نشتري أكثر مما نبيع


 فكل من يبيعون لنا مشغولون بكم يبيعوا  مايحضرون لالهائنا


لكنهم ينسون دائماً تحديد سعر البضاعة الخارجة وهى الإنسان فهو ببلاش في بلده





 يدفعه  البحث عن لقمة العيش إلى العمل الذي يرفضه في وطنه.


 إما يموت على طريق تحقيق الأحلام، مجهولاً وعادياً أو فقيراً كما جاء


 أو يكون ناجحا  وعندها يتذكره الوطن

13 التعليقات:

Unknown يقول...

بحجز التعليق الأول عشان عايز اقوم انام دلوقتي

سبهللة يقول...

فالأهم أن نمتلك كل جديد حتى لو لم نكن نحتاجه

الجملة دى فكرتنى بواحدة ست اتصلت على الهوا ببرنامج طبيخ
وقالت للشيف
يا شيف الله يخليك انا عندى سؤال مهم اوى
قالها اتفضلى
قالت انا امبارح اشتريت بروكلى
وبعد ما اشتريته مش عارفة اعمله ايه ؟؟

اهو الست دى ينطبق عليها نفس الكلام اللى انتى بتقوليه

وزعلتينى اوى بجملة
كما اننا لا نصدّر سوى العقول على اختلاف قدراتها وبالجملة

لان دى حقيقة انا وغيرى عايسين تفاصيلها المؤلمة للأسف

noha gamal يقول...

نفسي اعلق مرة مش عايزة اقولك انى قريت كل المدونة وكل مرة اقول بلاش اصلى بموت فيكى وبخاف من اختلاف الراى اللى دايما يفسد الود المشكلة بينا انى دايما شايفة نص الكوبايه المليان وراى ان قيمة الانسان بتتحدد بافعاله وانه واحده القادر على تحديد قيمته بعمله فى مغتربين بيفرضو وجودهم حتى على اصحاب البلدان المقيمين فيها وصدقينى انا باتكلم عن مواقف شفتها بنفسي وفى ناس اعوذ بالله بتكسفى من انهم من بلدك

دودو يقول...

Prof9090
اهلا بيك
وفى انتظار تعليقاتك

دودو يقول...

سبهلولتى

تفتكرى احنا عندنا حاجه نصدرها غير العقول اللى زى الفل

اما الست بتاعه البروكلى دى
فيه ناس كتير زيها
:))

دودو يقول...

نهى
قولى كل اللى يجى على بالك
عمر الاختلاف ماهيزعل
كل واحد فينا له وجهه نظر وعلى الاخر احترامها
مهما كان مختلف معاها
وبعدين يانهنوهتى
كلنا ايد واحده يابهجت كلنا بنكمل بعض
:))
يعنى انتى شوفى نص الكوبايه المليان
وخلى الفاضى علينا

وبعدين فين الاختلاف بقى ؟
انا متفقه معاكى انالانسان قيمته بتتحدد بعمله

بس ده ماكانش قصدى من اللى كتبته
المقصود هو معاناه الناس فى بلدهم وفقدهم القدره على العطاء والابداع وهما فيها
وان البلد بسياساتها ممكن تتسبب ان الناس تسيبها وتمشى
وكل واحد وحظه بقى
انما لو حد فلح
يجيبوه ويكرموه ويقعدوا يقولوالا خريج مدارسنا وجامعاتنا وابن بلدنا الغالى
طيب كنتم فين لما طفش من سياستكم وقوانينكم العقيمه

الميكروباص يقول...

بيع وشراء؟
طيب حد هنا في مصر يعرف يرجع حاجه اشتراها مرة واحده؟
عليا انعمه صاحب المحل يبص له بصه تخليه يقع من طوله
احنا في البيع والشراء لمؤاخذه حمير

Unknown يقول...

حضرتك دوستي عندي على جرح غائر

انا والحمد لله متخصص في الكمبيوتر و عندي مهارات عالية في كلا فرعيه الهارد والسوفت وير

لكن للأسف بلدنا مش للمحترفين زي حالاتي او المتخصصين زي اصحابي خريجي العلوم و الاداب اللي مش لاقيين شغل في تخصصاتهم او حتى انا في تخصصي الحقيقي " ادارة الاعمال "


الجرح اللي حضرتك دوستي عليه هو السفر للخارج و انا كلي ثقة في الله اني لو خرجت بره البلد دي حاوصل و ابدع كمان

اما في ما يخص البيع والشراء

فانا كما اوضحت موهبتي و احترافي في الكمبيوتر و هوايتي كانت في اني الف ع المحلات واسأل ع الهاردوير بس مش ع الحاجات الشهيرة او المتداولة عشان اسعارها الرخيصة " الناس مش لاقية تاكل لكن لازم يكون فيه كمبيوتر "

انا لاكاك اوي المهم بسمع حاجات تموت من الضحك مثلا بسأل على كارت شاشة ثمنه " حديث " 1150جنيه البياع قللي مش حلو وقديم و رشح لي كارت بـ 400جنيه و اضعف كتير بس هو يعيني اكيد شاب خريج مش لاقي شغل و مفكر بيع الهاردوير زي بيع الملابس

و عشان مبقاش لاكاك كفاية الموقف ده

مع خالص تحياتي

..............
اخت سبهللة

عجبتني اوي حكاية البروكللي

و مش بعيد يكون البياع ضحك عليها و اداها قرنبيط مصبوغ


حلوة حكاية

دودو يقول...

معاك يالورانس
بس فى الشراء بس
بيتضحك علينا
وبيسوق لينا بضائع رديئه جدا فى كل المجالات
شوف مثلا فى الفن والاعلام
هل الفنانيين اللى بيسوقوهم لنا والناس بتروح تشوف افلامهم الرديئه
يستحقوا تمن التذكره اللى بندفعها علشان نشوف افلامهم؟
هل الاعلاميين الجهله والسوقيين يستاهلوا الملايين اللى بياخدوها
وطبعا احنا بنشترى سلهتهم الرديئه بمشاهدتهم

وغيره وغيره

دودو يقول...

Prof9090
فعلا ده اللى انا كنت اقصده بالظبط
ان اى حد كفوء صعب انه يقدر يثبت نفسه هنا
انما لو سافر اى مكان
فبعمله وموهبته يقدر يثبت نفسه
من غير وسايط ولا محسوبيات

ربنا معاك ويوفقك
__________________
واسمحى لى استغل براعتك فى مجال الكمبيوتر واسألك عن مشكله جامده فى المدونه عندى ومش لاقيه لها حل

Unknown يقول...

اختي العزيزة

بصراحة لما قرأت جميع التغليقات وأصل الموضوع فن البيع
ارى واللة اعلم ان افضل اسم للبوست دة هو
فن التصدير والاستيراد
اظن انة يؤكد تعليقات الاخوة وكمان يحل الاختلاف الذي نشأ بدون قصد مع الاخت
نهي
تحية خاصة لاخي الحبيب proof 9090
تقبلي تحياتي اختي دودو
اخوكم مهندس
علي يونس

دودو يقول...

اهلا بحضرتك ياباشمهندس على

انا قصدت بفن البيع

مش اننا لاسمح الله شاطرين فى البيع
ابدا
انا كنت اقصد اللى بيبيعونا بابخس الاسعار

Unknown يقول...

واسمحى لى استغل براعتك فى مجال الكمبيوتر واسألك عن مشكله جامده فى المدونه عندى ومش لاقيه لها حل

ايه المشكلة بالضبط

ممكن حضرتك تبعتيها لي في ميل على
prof9090@gmail.com او نفس الميل على ياهو و على هوت ميل

و خير ان شاء الله