This awesome blogger theme comes under a Creative Commons license. They are free of charge to use as a theme for your blog and you can make changes to the templates to suit your needs.
RSS

قناه رمضان واخواتها




رمضان شهر العباده والتقرب الى الله 


لكن وبكل اسف الشهر الكريم اتحول على ايد الساده الاعلاميين والفنانيين

لشهر فوازير ورقص ومسلسلات وبرامج تافهه
مهمتها الهائنا عن التقرب الى الله 

يعنى السنه فيها 11 شهر غير شهر رمضان ....حبكت يعن فى رمضان بالذات !!!!!!

ليه التركيز المحير و المشبوه ده على رمضان......وطبعا فيه امثله كتير على كلامى

اهمها امبراطور الاعلانات اللى فشل فى تلميع الوجه القبيح لحزبه امام الرأى العام وقرر انه ينشأ قناه رمضانيه ....

.تفتح بس فى رمضان !!!!!!!!!! جمع فيها كل البرامج التافهه وكل الاعلاميين المتخصصين فى برامج الفضايح 

اللى بتتاجر باسرار الساده المشاهير

قناه كل هدفها هو الاثاره وزياده الاعلانات اللى بيتبعها زياده الاستهلاك 

بس انا اظن ان الهدف الاهم والاخطر هو تسطيح الافكار وخلق اجيال هشه يسهل التأثير عليها  

 لسؤال اللى بيطرح نفسه بقوه هو ......ياترى الناس دى بتشتغل لمجرد الربح فقط

 ولاهما عندهم هدف اكبر وهو خلق اجيال من المسوخ لا لهم رأى ولاهويه .؟

  وكل سنه وانتم طيبين

14 التعليقات:

الميكروباص يقول...

الاعلانات تحتاج إلى مسلسلات
والاعلانات بتجيب فلوس
والفلوس والاعلانات هاتيجي لما ناديه الجندي تظهر هي ويحيى الفخراني وغيرهم
يعني حتى لو الممثلين يعرفوا ان وجودهم من أجل زيادة الدخل وليس من اجل ما يقدموه من فن فممكن ان يخجلوا من هذا الامر
رمضان اصبح فرصه للبرامج المتخلفه
كان زمان فيه واحد غلس وتلم اسمه ممدوح موسى كان كل رمضان يطلع ومتعرفش بيكون فين باقي السنه
ده قدرنا مع التليفزيون

Diyaa' يقول...

أظن لو كل واحد شاف في بيته وبيوت اللي جنبيه وبيوت زمايل أولاده في المدارس ... وزمايله في الشغل وقرايبه
ومعرفش يعد كم المسوخ

هيعرف هدف القنوات الحقيرة الرخيصة دي إيه ... بيكملوا بس تشامر وعمرو كلاب ومحمد حماقة والرقاصات والأفخاذ :)

Noha Saleh يقول...

انا اللى محيرنى ايه الفكرة ان القناة ماتشتغلش غير فى رمضان وتختفى باقى السنة
اكيد هدفها الاول هو الربح وربما يكون فى اسباب اخرى

دودو يقول...

لورانس .....اظن انهم عارفين الهدف كويس اوى ....بدليل انهم بقدروا اجرهم بقدر الكم اللى هيجذيوه من اعلانات
وبعدين يخجلواا
!!!!!!!!!!!!!
:))
كلمه غريبه يالورانس ....هما لو بيخجلوا كنا شفنا مسلسلات من عينه الباطنيه وغيرها
واااااااااااااايه بس اللى فكرك بممدوح موسى !؟
حرام عليك ده انا ماصدقت نسيته

اهو ده برضه كان بيروح يعمل البرنامج بفلوسه ويجيب الاعلانات بعلاقاته
؛)
ويجى يقرف فينا احنا
تصدق بقى هو لو جرب يرجع اليومين دول هيلاقى اللى يدفع له فى الحلقه مليون جنيه
!!!!!!!!!!!!!!

دودو يقول...

ضياء ....
انا حاسه بالفرق اللى حصل
احنا زمان كنا بنتخض لما نشوف ممثله او مغنيه بتعمل حركه مش تمام اولابسه كت
:)
دلوقتى الاجيال اللى طالعه كلها اتربت على العرى والايحاءات بكل انواعها
لما كل شىء بقى عادى
ومبقاش فيه حاجه بتدعو للدهشه
وكل عيله بتحس بتاثير الموجود ده على اولادها بتحاول تعمل اللى عليها
بس للاسف ده طوفااااااااان
ربنا يرحمنا

دودو يقول...

نهى ......اكيد اكيد الربح بغض النظر عن المضمون
وبغض النظر عن القيم الرديئه
والحورات السخيفه
ولو انى ايمانا منى بنظريه المؤامره

ماافتكرش ان فيه حاجه بتحصل بالصدفه
يعنى
هل قناه زى ميلودى
متبنيه سياسه العرى وقله الادب كده لوجهه الله او لمجرد الربح والربح فقط

يعنى صاحبها اللى انا باعتبره قواد بدرجه رجل اعمال ....بيشرفه انه بيشتغل فى الحاجات دى
مافتكرش انها مجرد بيزنيس
اكيد فيه اهداف اكبر
والاهداف دى نتايجها ابتدت تبان بقوه
من تقليد الولاد الصغيرين لكل حاجه بتتقال على ميلودى
وخصوصا اعلاناتها الفظيعه

Unknown يقول...

طارق نور كنت بحترمه قبل ما يفتح القناة دي ، كان بالنسبالي مجرد صوت بيفكرني بأيام زمان ، و كنت بحب اسمع اعلاناته القديمة اللي بصوته ، بس هما الرجالة دايما كده أما بيكبروا بيتهطلوا...
و بالنسبة لفكرة انها ف رمضان بس فالفساد موجود في كل وقت و مكان و بأكتر من شكل ، و احنا اللي بنختار...
تحياتي دودو...

دودو يقول...

ELMOSTAFZ

تصور الواضح ان صوته فعلا بيمثل لجيل معين مننا شىء مميز

فعلا انا كنت كل مااسمع صوته كان بيفكرنى بايام جميله جدا

بس الايام بتوضح دايما حقيقه الامور

والكارثه ان الناس دى مصممين على تشويه حتى ذكرياتنا الجميله


وفعلا انت عندك حق الفساد طول السنه
وكان الاولى انه جرعته تقل شويه فى رمضان بدل مايكثفوها
:(

واهلا وسهلا بحضرتك

rack-yourminds يقول...

قرات مقالا للاستاذ فهمي هويدي,,بيتناول فيه اثر المسلسلات والبرامج التي تكثر في شهر رمضان وراي ان كل هذا بيحول شهر رمضان للسهر والعبث ومن ثم تفريغه من مضمونه الروحي بحيث يغدو صوره اخري من الكريسماس في العالم الغربي وهي المناسبه التي بدأت موصوله بذكري ميلاد المسيح عليه السلام وانتهت منفصله عن جذرها وغارقه في كل ما هو دنيوي


وذكر ايضا في هذا المقال

ان هذا الذي يحدث الان يستدرج شهر رمضان الي العلمنه حين يقبض روحه فيجعله اغترافا من الدنيا وليس اقبالا علي الله

ميلودى سبورت يقول...

حلوه قوي قوي

فاتيما يقول...

دودو

انا جاية اقولك انك وحشتينى
و لما قريت عند احمد سعيد تعليقك فيه اسمى مسبوق بكلمة حبيبتى قلبى رفرف كدا و قولت با لهوى ع الدلع اللى بتدلعه دا
و حيث انى مردتش على تعليقات بوست ابو الريش ..فكان لازم اجيلك لحد عندك اقولك
ربنا ما يحرمنى منك
و لا من تشجيعك
و ان شاء الله اللقاءات الجاية حريمى او عامة لازم تحاولى تيجى عشان اشوفك

كل رمضان و انتى طيبة
و كل عيد و انتى و الولاد زى الفل و مفرحينك و مفرحينا معاكى
و منحرمشى من كلمة حبيبتى دى ابدااا

بوسات و حضونات
يا جميلة القلب

دودو يقول...

فااااااااااتيما
حبيبتى
انا جايه المدونه بالصدفه والحمدلله انى جيت
لانك وحشااانى جدا
وقاعده اكتب عندك فى المدونه تعليقات كتير علشان اقولك كل سنه وانتى طيبه
وكنت زعلانه اوى انى مش عارفه الاقيكى
ربنا مايحرمنى منك ولا من زوقك ابدا ابدا ابدا


لان ربنا يعلم انا بحبك اد ايه وانتى فعلا حبيتى واختى

وياريت فيه طريقه اتواصل بيكى من خلالها ....على الاقل اتطمن عليكى واقدر اقولك كل سنه وانتى طيبه

ربنا يسعدك ويهنيك ويريح قلبك اللهم امين
بوسات وحضنات اكتر من اللى انتى بعتيهم
:))ياارق واطيب طمطومه فى الدنيا

admelmasry يقول...

للربح فقط
.
.
خيري شلبي كان بيقول
ان الاحساس بالانتماء بيخلق الشعور بالواجب
.
.
اظن لما يطلع ممثل ضابط قديم في الجيش وحبيب جامد دلوقتي يفخر ان امريكا هي بلد اولاده لانهم عايشين فيها
اقوله خسارة دمك اللي نزفته في الحرب
.
.
الناس بتتعامل مع البلد علي انها ياغمة تكوش منها علي قد ما تقدر قبل ما تسيبها وتمشي

http://kasperb4.blogspot.com/ يقول...

كمية سفه وهبل يخلوا الحليم حيران .. ومحدش عارف ده شيء مقصود ولا عمل لمجرد الربح وخلاص

بجد حاجة تحرق الدم وتجيب الضغط